Բայդենի վերջին վատությունը Հայաստանին․ Նիկոլը հերթական «սև» թուղթը բերեց

Նիկոլ Փաշինյանը շարունակում է Հայաստանի հաշվին սեփական կաշին փրկելու և արևմտաթուրքական շրջանակների առաջ ստանձնած պարտավորությունները կատարելու քաղաքականությունը։

ԱՄՆ–ում երեկ ստորագրված փաստաթուղթը ՀՀ–ի հետ ռազմավարական գործընկերության մասին ոչ թե սովորական թղթի կտոր է, այլ մահվան թուղթ, որը Արարատ/Arabat Միրզոյանը ստորագրում էր՝ բերանը լայն բացած։ Այդ մահվան թուղթը հայ ժողովրդի համար էր։ Նիկոլի ու իր ընտանիքի համար դա տուրիստական թուղթ էր։ Ողբերգական զարգացումների ժամանակ մեր երկրից թռնելու և արևմտաթուրքական որևէ տարածքում ապաստան գտնելու թուղթ։

Բայդենի գլխավորած վարչակարգը շտապեց «սև» թուղթ ուղարկել Հայաստանին ու նոր հեռանալ։ Սա Բայդենի երկրորդ «սև» թուղթն էր հայ ժողովրդին։

Առաջինը նա տվեց 2022թ․ հոկտեմբերի 6–ին Պրահայում, որտեղ իր քավորությամբ, Մակրոնի մասնակցությամբ ու Շարլ Միշելի ակտիվ աջակցությամբ Նիկոլ Փաշինյանն Արցախը ճանաչեց Ադրբեջանի մաս։ Դրան հաջորդեց Արցախի շրջափակումը, հետո՝ հայաթափումը։

Բայդենենց նպատակը ռուսական զորքն Արցախից հեռացնելն էր։ Հայերի վրա թքած ունեին։ Նիկոլի արածը դավաճանություն էր։ Նա դա լավ գիտեր, բայց համաձայնեց միանալ հայերի էթնիկ զտմանը, քանզի իր անձնական անվտանգության ապահովման գինն է դա։

Հիմա նոր Պրահա են բերում հայ ժողովրդի գլխին՝ ԱՄՆ–ի հետ ռազմավարական գործընկերության թուղթ ստորագրելով։ Սա հերթական «սև» թուղթն է։ Նոր Սևրի պայմանագիրը։

Նիկոլի պետական դավաճանությունը վաղուց անթաքույց է։ Հայաստանի բոլոր քաղաքական ուժերը պետք է հստակ արտահայտվեն այս թեմայով։ Լղոզվածությունը և լռությունը հավասարազոր է հանցակից լինելուն։

Պետրոս Ալեքսանյան
7or.am