Բագրատ Սրբազան. Այդ սպառնալիքները թշնամի պետության ու սեփական ժողովրդին թշնամի դարձած իշխանության ներքին համաձայնության արդյունք է

«Մեկ շաբաթվա դրությամբ այնքան աղբ, աղետ ու արհավիրք է լցվում մեր կյանք, որ մեր միտքը հոգնում է նույնիսկ մտածել այդ մասին, բնական է, մարդիկ փորձում են այդ տեռորը մի կողմ թողնել»,-այսօր հրապարակած ուղերձում նշում է Բագրատ արքեպիսկոպոս Գալստանյանը։

Նրա խոսքով, սակայն ուզենք, թե չուզենք, դա մեր իրականությունն է, մեզ պարտադրվում է։
Սրբազան շարժման առաջնորդը նշում է, որ թշնամի երկրի կողմից չեն դադարում սպառնալիքը, թշնամանքը, ծաղրանքը, նցաստացումը։

«Այո, թշնամի պետություն է  մեզ համար, մեզ համարում են ֆաշիստ, ռևանշիստ, փորձելով հիմք նախապատրաստել իրենց հերթական հանցագործության համար։ Իսկ ինչ է պատասխանվում այս կողմից, գրեթե զրո, վախվորած, արձագանքից խուսափող, կեղծ, մուրացիկ խաղաղության վաճառքով, ուրիշ ոչինչ»,-ասաց Սրբազանը՝ ավելացնելով, որ ամենը խոսում է այն մասին, որ դա թշնամական պետության ու սեփական ժողովրդին թշնամի դարձած իշխանությունների ներքին համաձայնության արդյունք է։