Թրամփ. Պուտինը ցանկանում է հանդիպել, մենք պատրաստվում ենք
ԱՄՆ նորընտիր նախագահ Դոնալդ Թրամփը հայտարարել է, որ ներկայումս նախապատրաստական աշխատանքներ են տարվում Ռուսաստանի նախագահ Վլադիմիր Պուտինի հետ իր հանդիպման համար։ Այս մասին հայտնում է BBC-ն։
«Նա ցանկանում է հանդիպել, և մենք պատրաստվում ենք», - ասել է Թրամփը լրագրողներին՝ նախքան Ֆլորիդայում հանրապետական նահանգապետերի հետ հանդիպելը:
«Նախագահ Պուտինը ցանկանում է հանդիպել։ Նա դա ասել է նույնիսկ հրապարակայնորեն, և մենք պետք է վերջ տանք այս պատերազմին»,- հավելել է Թրամփը՝ նկատի ունենալով Ուկրաինայի պատերազմը, որը նա բազմիցս խոստացել է վերջ տալ, բայց չի հստակեցրել, թե ինչպես է դա նախատեսում անել։
Reuters-ը գրել է, որ Թրամփը նաև չի հստակեցրել, թե երբ կարող է կայանալ հանդիպումը։
Կրեմլը դեռ չի մեկնաբանել Թրամփի խոսքերը, սակայն նախօրեին Պուտինի մամուլի քարտուղար Դմիտրի Պեսկովը լրագրողներին ասել էր, որ եթե Թրամփը պահպանի իր մտադրությունը կապ հաստատել ՌԴ նախագահի հետ հունվարի 20-ի երդմնակալությունից հետո, ապա Մոսկվան միայն կողջունի դա։
«Եթե պաշտոնը ստանձնելուց հետո պահպանվի ամենաբարձր մակարդակով շփումները վերսկսելու քաղաքական կամքը, ապա, իհարկե, նախագահ Պուտինը միայն կողջունի դա»,- ասել է նա։
Աղբյուր` Panorama.am
Հետևեք մեզ Facebook-ում