Մեկ ժամվա ընթացքում պետք է հայտարարվեր մոբիլիզացիա. Վահագն Մելիքյան

ԱԳՆ նախկին գլխավոր քարտուղար Վահագն Մելիքայանը «5-րդ ալիքի» «Օրագիր» ծրագրին տված հարցազրույցում նկատում է, որ Ալիեւի հայտարարություններում նորություն չկա, միակ նոր բանն այն է, որ աշխարհում վերադասավորումները սկսել են շատ արագանալ, որից անպայման օգտվելու է Թուրքիան:
Հարցազրույցի հիմնական թեզերն ու շեշտադրումները.

Ալիեւի հռետորաբանության կոշտացումը սպասելի էր, նա արձանագրեց , թե ինչ դիրքավորմամբ է սկսում 2025 թվականը:
Անհայտ զանգեզուրագետներ կան, որոնք դիվանագիտության մասին դույզն ինչ պատկերացում չունեն, հայտարարում են, թե ԵՄ դիտորդները մեզ կփրկեն:
Սրանք մեծ ծրագրի փոքրիկ մասերն են, դրա ռեժիսորները կան:
Կանխարգելիչ որեւէ քայլ չկա:
Մեկ ժամվա ընթացքում պետք է հայտարարվեր մոբիլիզացիա:
Այսպես կոչված սահմանազատման եւ սահմանագծման ամբողջ պրոցեսը ոչ լեգիտիմ է՝ հակասահմանադրական: 
Չզարմանաք, որ առավոտյան տեսնենք՝ սուրճի բաժակը ձեռքին ասում է՝ ես երեք րոպեից պիտի ընդունեմ Ադրբեջանի ներկայացուցիչներին:
Դիվանագիտությունն այսօր նույնիսկ զրոյական մակարդակի չէ, մինուս է:
Ամո՛թ ձեզ, դուք, այս ամենը քաջ գիտակցելով, ծպտուն չեք հանում:
Հավասարակշռությունը խորը կերպով խախտված է, բայց իրավիճակը հնարավոր է շտկել:
Չեմ բացառում, որ այցը Փեզեշկիանի մոսկովյան այցին ընդառաջ է:
Ռազմավարական համաձայնագիր չի ստորագրվելու ԱՄՆ-ում:
Սրանք չեն հասկանում՝ ինչ բան է աշխարհաքաղաքական սեպ լինելը, դա նաեւ մանեւրելու հնարավորություն է: