Le Figaro. Ֆրանսիացիների 60%-ը ցանկանում է, որ Մակրոնը հրաժարական տա

Ֆրանսիացիների կեսից ավելին ցանկանում է, որ Ֆրանսիայի նախագահ Էմանուել Մակրոնը լքի իր պաշտոնը։ Վեստի.ռու-ի հաղորդմամբ, այս մասին են վկայում Le Figaro թերթի պատվերով անցկացված սոցիալական հարցման արդյունքները։

Հարցման մասնակիցներին խնդրել են արտահայտել իրենց վերաբերմունքը 2025 թվականին Ֆրանսիայի խորհրդարանի հնարավոր երկրորդ լուծարման մասին Մակրոնի հայտարարությունների վերաբերյալ։

«61%-ը պատասխանել է, որ քաղաքական ճգնաժամը պետք է լուծվի ավելի շուտ նրա (Մակրոնի – Վեստի.ռու) սեփական հրաժարականի միջոցով»,- գրում է թերթը։

Ընդ որում, սեպտեմբերից ի վեր Մակրոնի պաշտոնը լքելու կողմնակիցների թիվն աճել է 7%-ով։

Հարցվածների միայն 28%-ն է հավատում Ֆրանսիայի ղեկավարի խոստումներին։