Դեպի 2025... Թող այն սրանցից ազատվելու տարին լինի

Ի՞նչ կարելի է ասել անցնող 2024-ի մասին: Եթե հակիրճ, ապա՝ ՀՀ-ում իշխանությունը շարունակեց մնալ Փաշինյանի գլխավորած կործանարար, Արցախն ուրացած խմբի ձեռքում: Ու դրանով գրեթե ամեն ինչ ասված է:
* Բնականաբար, շարունակվեցին կորուստները. Փաշինյանի իշխանությունը Տավուշի մարզի հատկապես Նոյեմբերյանին մերձակա Կիրանց-Ոսկեպար-Բարեկամավան հատվածում խայտառակ տարածքային զիջումներ արեց Ադրբեջանին, թշնամուն հանձնվեցին տասնամյակներով պաշտպանված, ամրացված, գործնականում մեր բանակի առավել ամուր և շահեկան դիրքերը: Հիմա այնտեղ թշնամին է, որը ցանկացած պահի կարող է հարձակվել մերձակա գյուղերի հայ բնակչության վրա:
*Այդ խայտառակ զիջումների հրամանը կատարած «զինվորականը», ի  դեպ, որպես պարգև, պաշտոնի բարձրացում ստացավ:
* Տարածքային զիջումներն ուղեկցվեցին Ոսկեպարի,Կիրանցի ու մերձակա մյուս գյուղերի բնակչության դեմ ՔՊ-ական «ոստիկանության»  տեռորով, ահաբեկումներով, հալածանքներով, սպառնալիքներով, այդ թվում՝ անձամբ Փաշինյանի կողմից սպառնալիքների հնչեցմամբ:
*Շարունակվեցին թշնամական գերության մեջ մնալ Արցախի տարբեր տարիների ռազմաքաղաքական ղեկավարները, որոնց ազատելու ուղղությամբ Փաշինյանն ու նրա իշխանությունը ոչ միայն ոչ մի քայլ չարեցին ու չեն էլ անի, այլև Փաշինյանը իր ելույթներից մեկում բացասական արտահայտություններ արեց գերության մեջ գտնվող Ռուբեն Վարդանյանի հասցեին:
*Փաշինյանը Նյու Յորքում «թուրքական տանը» գրկախառնվեց իր սիրելի Էրդողանի գրքի հետ ու այդպես երջանկացած լուսանկարվեց գրքի հեղինակի հետ:
*Հայաստանում շարունակվեցին քաղաքական հետապնդումները, հալածանքները, ոստիկանական բեսպրեդելն ու այլանդակությունները, խոշտանգումներն ու մարդու իրավուոքների խախտումները:
*Դրանց բարձրակետը դարձավ հունիսի 12-ին խաղաղ ցուցարարների դեմ կանխամտածված կերպով արգելված բեկորային նռնակների կիրառումը, ինչից Փաշինյանի ու նրա կնոջ հոգիները փառավորվեցին, որովհետև 100-ից ավելի հայ մարդիկ վիրավորվեցին, իմկ մեկի ձեռքը հաշմվեց: Փաշինյանն ու նրա իշխանության ներկայացուցիչները շարունակեցին իրենց լկտի ու ցինիկ դրսևորումները:

*Փաշինյանի «խաղաղության խաչմերուկ» անհեթեթությունը, բնականաբար, ոչ մի լավ բանի չհանգեցրեց, նույնքան բնականաբար՝ նրա իշխանությունը էլ ավելի մեծացրեց Հայաստանի գլխին կախված սպառնալիքները ու թշնամիների՝ մեր երկիրը զավթելու մղումները, որոնց նրանց սկսեցին բացահայտ արտահայտել («միջանցք» «արևմտյան ադրբեջան» և այլն):
*Ավելացավ պետական պարտքը: Փաշինյանի իշխանության 7 ոչ լրիվ տարվա ընթացքում պարտքը կրկնապատկվել է: 
*Համալրվեց Փաշինյանի հեծանվային նկարների հավաքածուն. ուր գնար-չգնար, երկու կետ անխախտ էր. կինը ուղեկցում էր, հեծանիվ քշում էր ու նկարվում:
*Պարզ դարձավ, որ ոչ մի անկախ դատական համակարգ էլ չկա, քանի որ գործադիր տշխանության ղեկավարի 1 սմս-ով ԲԴԽ նախագահը փախավ պաշտոնից, նմանապես, Փաշինյանը մի շարք պաշտոնյաների գործից ազատեց ստորացուցիչ եղանակով՝ նրանց ընդամենը սմս-ներ կամ էլեկտրոնային հաղորդագրություններ ուղարկելով:
*Հետո, փաշինյանենք հասցրեցին նաև իրենց կուսակցության ներսում լիուբոլ «իրար ուտել», հանրությանն ակնհայտ դարձավ, որ սրանք լավ էլ թաթախված են կոռուպցիայի ու այլևայլ արատների մեջ...

...Գալիս է 2025-ը: Թող այն սրանցից՝ այս աղետաբեր, մահառիթ ու կործանարար իշխանություններից վերջապես ազատվելու, չարիքից պրծնելու և Հայոց պետականության վերականգնման մեկնարկի ու ազգային զարթոնքի տարի լինի: Եվ թող հնարավորինս շատ հայրենակիցներ գիտակցեն, որ դա հնարավոր է արագացնել իրենց անմիջական մասնակցության դեպքում:
Արմեն Հակոբյան 
Zham.am