«2 միլիարդ դրամով քանի՞ ծրագիր կարելի էր իրականացնել»․ Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը.

«2023թ․ օգոստոսի 11-ին կառավարությունն ավելի քան 2 միլիարդ դրամ (մոտ 6 միլիոն դոլար) հատկացրեց ռեփեր Սնուփ Դոգի համերգը Երևանում կազմակերպելու համար։ Միջոցառումը պետք է տեղի ունենար 2023թ․ սեպտեմբերի 23-ին, «Հրազդան» մարզադաշտում: Անցել է մեկ տարի, 4 ամիս, ոչ Սնուփ Դոգի համերգն է կայացել, ոչ էլ ավելի քան 2 միլիարդ դրամ է վերադարձվել պետական բյուջե։ Նույն՝ 2023 թվականի համար Տավուշի մարզում հաստատվել է 4,4 մլրդ. դրամ արժեքով 17 սուբվենցիոն ծրագիր (ասֆալտապատում, ոռոգման համակարգերի արդիականացում, ջրամատակարարում և ջրահեռացում, պուրակների բարեկարգում, տեխնիկայի ձեռքբերում, ԲԲՇ-ների տանիքների հիմնանորոգում, փողոցների տուֆապատում, կանգառների կառուցում): Սնուփ Դոգին տրված ավելի քան 2 միլիարդ դրամով Տավուշի մարզում քանի՞ ծրագիր կարելի էր իրականացնել, անմխիթար վիճակում գտնվող հանրակրթական դպրոցների քանի՞ շենք կարելի էր նորոգել»։