Բագրատ Սրբազան. Ես ներողություն եմ խնդրում յուրաքանչյուրից, որ այս պահին հնարավոր չեղավ իրագործել մեր ծրագիրը

«Մենք ապրելուն ու պետություն կառուցելուն պարզապես այլընտանք չունենք»,-ասաց Սրբազան շարժման առաջնորդ  Բագրատ Սրբազանը լրագրողների հետ տարեվերջյան հանդիպմանը։

Նա թվարկեց անցնող տարում շարժման հավաքները, հանդիպումները, նշեց.

«Ունեցանք մայիսի 9-ը, որն ապացուցեց, բոլոր նրանք, որ կարծում էին մեր ժողովուրդն  անտարբեր է, հարմարվել է իր ինքնաոչնչացման գաղափարին, մեռած է, սխալվեցին։ Մայիսի 9-ը մեր արթնության սկիզբն է ու վկայությունը, որ մեր ժողովրդի ազատագրման ձգտումը չի կարող մարել»։

Բագրատ Սրբազանն ընդգծեց, որ ճշմարտության համար պայքարի առաջնագծում կանգնածները՝ գործարարներ, բժիշկներ, զոհված տղաների ծնողներ ու մյուսները ենթարկվել են հետապնդումների, ահաբեկումների տեղեկատվական ու ֆիզիկական դաշտում, որոնք մասնակից են դարձել ֆեյքեր, ոստիկանության աշխատակիցներ։

«Ի՞նչ ունենք այսօր։ Բոլոր առումներով տապալված սահմանադրական կարգ, թշնամու բոլոր պահանջներն ու թելադրանքներն  իրականացնող չիշխանություն, պարտադրված սահմանազատում, խաղաղության կեղծ օրակարգ, սպասվող հայրենահանձումներ, ադրբեջանցիների «վերդարձի» պահանձ, Սահմանադրության փոփոխության, ԵԱՀԿ Մինսկի խմբի լուծարման պահանջ, անվտանգային բազմաթիվ սպառնալիքներ, պատանդառված ռազմագերիներ, գերիներ, Բաքվի բանտերում պահվող պատանդառված հայրենակիցներ, քաոսի, թշնամության ու ատելության սերմանում, սոցիալական անարադարություն, թմրամոլության ու խաղամոլության տարածում, փողի ու իշխանության պաշտամունք և այլն, և այլն»,-ասաց նա։

Սրբազան շարժման առաջնորդն ընդգծեց՝ մի քանի անգամ հայտարարել ու ընդունել է, որ զանազան անհաջողություների ու վերջնական արդյունքին չհասնելու պատասխանտվությունն ամբողջությամբ իրենն է, իսկ հաջողությունն ու հաղթանակը՝ «իմ համբուրելի ժողովրդին»։

«Ես ներողություն եմ խնդրում յուրաքանչյուրից, որ այս պահին հնարավոր չեղավ իրագործել մեր ծրագիրը, սակայն վերստին պետք է շեշտեմ, որ մենք գործելու ենք, ոչ թե հնարավո՞ր է, թե՞ ոչ, այլ «անհրաժեշտությո՞ւն է, թե՞ ոչ այս չարիքին հեռացնելը»,-ասաց Սրբազանը։

«Սա երկարատև կռիվ է։ Ես հասկանում եմ, որ մեր զգացմունքները, մտածումներն այնքան պրկված են, որ մենք, այո´, ժամ առաջ, օր առաջ ուզում ենք մեր կյանքը շտկել»,-հայտարարեց Սրբազան շարժման առաջնորդը։

Նա ասաց՝ ամբողջ շարժման, պայքարի մեջ իշխանափոխությունը փոքրիկ բաղադրիչ է, բայց մեծ խոչընդոտ, պետք է մտածել արժեքային, քաղաքակրթական փոփոխությունների, ինքնության վրա տարաբնույթ հարձակումների մասին։

«Մեր կյանքում ամեն բան այնքան է խառնված, որ այլընտրանք չունենք, քան պայքարելը։ Հին գ հոգի կլինի, փողոցում, թե 100, 100 հազար հոգի, սա անվերջանալի պայքար է, մինչև հասնի նպատակին»,-ասաց Սրբազանը։

Շարժման՝ այս պահին նպատակին չհասնելու պատճառների, սխալների մասին հարցին ի պատասխան, Բագրատ Սրբազանն ասաց՝ հիմնական խնդիրը եղել են կազմակերչական աշխատանքն ու վստահություն։

«Ժամանակ չունեինք այդ լայն կազմակերպչական աշխատանքը կատարելու համար, ինչպես նաև որոշակի վստահությունը, որ ունեցել ենք այս կամ այն պատասխանատուների նկատմամաբ, որոնք ինչ-որ ձևով չեն իրականացրել։ Դրանց մեջ կան քաղաքական ուժեր, ոչ քաղաքական ուժեր։ Ես չեմ կարող շատ բան ասել, անկեղծ, իմ բարոյականությունը թույլ չի տալիս»,-ասաց նա՝ ևս մեկ անգամ ընդգծելով, որ պատասխանատուն ինքն է։

Մանրամասները՝ տեսանյութում։
Աղբյուր` Panorama.am