Դուք ոչ միայն սափրվել եք, այլ նաև մի փոքր վատառողջ եք. Լուկաշենկոն՝ Փաշինյանին

ՀՀ վարչապետ Նիկոլ Փաշինյանն ու Բելառուսի նախագահ Ալեքսանդր Լուկաշենկոն բանավիճեցին Եվրասիական տնտեսական բարձրագույն խորհրդի նիստի ժամանակ։

Լուկաշենկոն առաջարկեց ԵԱՏՄ առաջնորդների հաջորդ հանդիպումն անցկացնել 2025 թվականի մայիսին։

«Եթե մեր դիտորդներին հետաքրքիր է մեր միությունը, կխնդրեի ներկա լինել նիստերին, ոչ թե հեռուստացույցով պատմել, թե ինչպես ենք համագոծակցելու։ Նիկոլ Վովայիչ, դա Ձեզ չի վերաբերում, մենք գիտենք, որ Դուք ոչ միայն սափրվել եք, այլ նաև մի փոքր վատառողջ եք, դրա համար Ձեզ ընդունում ենք որպես մեր խորհրդի նոր և երիտասարդ անդամ»,- ասաց Լուկաշենկոն։

Փաշինյանն արձագանքեց, որ մայիսին Մինսկում կայանալիք ԵԱՏՄ գագաթնաժողովին Հայաստանը կրկին կմասնակցի տեսակապով։

Լուկաշենկոն հետաքրքրվեց՝ ինչո՞ւմն է խնդիրը, եթե հեռու է Մինսկը, ապա իրենք կարող են հայկական պատվիրակության այցը կազմակերպել։ Այս մասին հաղորդում է  Yerevan.today-ը:
Իսկ News.am-ը հաղորդում է, որ Բելառուսի նախագահ Ալեքսանդր Լուկաշենկոյի և ՀՀ վարչապետ Նիկոլ Փաշինյանի միջև Սանկտ Պետերբուրգում Եվրասիական տնտեսական բարձրագույն խորհրդի (ԵՏՀԽ) նիստի ժամանակ վիճաբանություն է ծագել՝ Բելառուսի մայրաքաղաք Մինսկ տեղի ունենալիք հաջորդ ԵՏՏՀ-ին Հայաստանի մասնակցության հարցի առնչությամբ:

«Վերջին տարիներին մենք ընդհանուր առմամբ տարեկան երկու նիստ ենք անցկացրել Գերագույն խորհրդի՝ սովորաբար մայիսին և դեկտեմբերին։ Ձմեռային հանդիպումն ավանդաբար տեղի է ունենում հյուրընկալ Ռուսաստանում։ Մեզ համար, հավանաբար, անիմաստ է փոխել այս պրակտիկան, ուստի, հաշվի առնելով ԵԱՏՄ մարմիններում Բելառուսի նախագահությունը, առաջարկում եմ ամառային հանդիպումն անցկացնել Մինսկում և այն համատեղել Եվրասիական տնտեսական ֆորումի հետ, ինչպես նախատեսված է կանոնադրական փաստաթղթերով։

Ես չեմ շեղվելու հաստատված պրակտիկայից և կառաջարկեմ այս միջոցառումները կազմակերպել մայիսի երկրորդ կեսին, հաջորդ տարվա մայիսի 29-ի կողմերում։ Եթե ​​ձեր կողմից լինեն առաջարկներ կամ փոփոխություններ, մենք լրացուցիչ որոշում կկայացնենք խորհրդակցությունների ժամանակ։ Հետևաբար, մայիսի 29-ի կողմերում...»,- ասել է Լուկաշենկոն։

Այս առնչությամբ ՀՀ վարչապետ Նիկոլ Փաշինյանը հայտարարեց, որ հայկական պատվիրակությունը համաժողովին կմասնակցի տեսակոնֆերանսի միջոցով։

«Շնորհակալություն, Ալեքսանդր Գրիգորևիչ, պարզապես ուզում եմ հստակեցնել, որ մենք դեմ չենք ԵԱՏՄ բարձրագույն տնտեսական խորհրդի նիստի անցկացմանը Մինսկում, բայց նախապես ուզում եմ ասել, որ մեր պատվիրակությունը հանդիպմանը մասնակցելու է տեսակոնֆերանսի միջոցով»,- ասել է նա։

«Ի՞նչ խնդիր ունեք: Հեռու՞ է Մինսկից, թե՞ ձեզ տեղ հասցնող չկա։ Դե, անհրաժեշտության դեպքում մենք կկազմակերպենք ձեր պատվիրակության համար»,- ասել է Լուկաշենկոն։

«Ալեքսանդր Գրիգորևիչ, ես հրապարակային հայտարարություն եմ արել այս մասին, և այս հայտարարությունը մնում է ուժի մեջ։ Չեմ կարծում, որ սա ճիշտ ձևաչափ է այս հարցերը քննարկելու համար։ Դուք պարզապես ասացիք, բարձրացրիք հարցը, և ես պետք է անմիջապես արձագանքեի, որպեսզի թյուրիմացություններ չլինեն»,- պատասխանել է Փաշինյանը։

«Դե, մենք կքննարկենք ձեր դիմումը»,- պատասխանել է Լուկաշենկոն։

«Ի՞նչ պետք է քննարկենք: Դուք չեք կարող իմ դիմումը քննարկել, քանի որ իմ դիմումը քննարկման ենթակա չէ»,- ասել  է Նիկոլ Փաշինյանը։

«Այո, մենք միայն կքննարկենք: Միգուցե հեռուստացույց չլինի, որպեսզի կարողանաք խոսել հեռակա կարգով»,- հայտարարել է Բելառուսի նախագահը։

«Խնդիր չկա. Խնդիր չկա։ Խնդիր չկա»,- պատասխանել է Փաշինյանը։