Tesla-ն հետ հետ է կանչում մոտ 700 000 մեքենա՝ անվադողերի ճնշման սարքերի խնդիրների հետ կապված

Tesla ընկերությունը հետ է կանչում մոտ 700 հազար մեքենա՝ անվադողերի ճնշման սարքերի խնդիրների հետ կապված, տեղեկացրել է NC News-ը։

Էլեկտրական մեքենաներ արտադրող ընկերությունը հետ է կանչում 2024թ. Cybertruck, 2017-2025 Model 3 և 2020-2025 Model Y որոշ մոդելներ, քանի որ անվադողերի ճնշման վերահսկման համակարգի նախազգուշացնող լույսը «կարող է չվառվել շարժման փուլերի միջև՝ չզգուշացնելով վարորդին անվադողերում ցածր ճնշման մասին», հինգշաբթի տեղեկացրել է Ճանապարհային երթևեկության անվտագության ազգային վարչությունը (NHTSA)։

NHTSA-ն հրապարակել է հետկանչի հաշվետվությունը երեքշաբթի՝ նշելով, որ «ստեղծվում է վթարի վտանգ»։

Հետկանչը վերաբերում է մոտ 694 000 մեքենայի։

Tesla-ն հայտնել է, որ որպես խնդրի վերացման միջոց թողարկել է ծրագրային ապահովման անվճար թարմացում։

Սպասվում է, որ ծանուցումներով նամակներ մեքենաների տերերը կստանան 2025թ. փետրվարի 15-ին։

Սա առաջին հետկանչը չէ, որին բախվել է ավտոարտադրողը։ Այս տարի հետ է կանչվել 7 Cybertruck մեքենա, տեղեկացրել է Associated Press-ը։

Անցած ամիս Cybertruck-ի հետկանչը կապված էր «ընթացամասի ինվերտորի անսարքության» հետ, որը, ըստ NHTSA-ի, «կարող է հանգեցնել անվի ընթացամասի հզորության կորստի»։ Հետ է կանչվել մոտ 2 400 մեքենա։ Այդ ժամանակ Tesla-ն հայտնել էր, որ անվճար կփոխի ինվերտորը։

Հուլիսին Tesla-ն հետ էր կանչել 1,8 մլն մեքենա այն տեղեկություններից հետո, որ դրանց մի մասի շարժչի ծածկոցները իրենք իրենց բացվում են։