11 մլն դրամ տարեկան եկամուտ, 400 հազար դրամ վարկ․ Հակոբ Ասլանյանի հայտարարագրի հետքերով

«Ժողովուրդ» օրաթերթը գրում է.

«ՔՊ-ն Նիկոլ Փաշինյանի հրահանգով Ասլանյանին հեռացրեց ոչ միայն խմբակցությունից, այլ նաև կուսակցությունից։ Ներկայացնում ենք, թե ինչ ունեցվածք ունի ՔՊ-ից «աքսորված» Հակոբ Ասլանյանը։ Նա հայտարարագրել է 1986 թվականին Երևանում ձեռք բերված բնակարան բազմաբնակարան շենքում։ Ասլանյանի բանկային ավանդները կազմել են 1 մլն դրամ և 6 հազար ԱՄՆ դոլար։ Նախորդ տարվա համեմատ Հակոբ Ասլանյանը ավելացրել է բանկային ավանդները 2 հազար դոլարով և 1 մլն դրամով։

Պատգամավորի կանխիկ դրամական միջոցները պակասել են. նախորդ տարվա՝ 2023 թվականի 1,5 մլն դրամը նվազել է 500 հազար դրամով։ 2023 թվականի տարեկան եկամուտները կազմել են 11 մլն 576 հազար դրամ, որից 825 հազարը Ասլանյանը ստացել է ՀՀ աշխատանքի և սոցիալական հարցերի նախարարությունից, իսկ 10 մլն 751 հազար դրամը ԱԺ աշխատակազմից աշխատանքի վարձատրությունն է։

2022 թվականի համեմատ Հակոբ Ասլանյանի եկամուտներն ավելացել են գրեթե 2,5 մլն դրամով. 100 հազար դրամով ավելացել է պատգամավորի կենսաթոշակը, իսկ աշխատանքի վարձատրությունն ավելացել է 2 մլն 200 հազար դրամով։ Ստացված վարկերի և փոխառությունների մայր գումարի մնացորդը հաշվետու տարվա դեկտեմբերի 31-ի դրությամբ կազմել է 400 հազար դրամ»:

Մանրամասները՝ թերթի համարում։