Ադրբեջանի դատախազությունը Հայաստանի իշխանությանը հրավիրել է համագործակցության՝ Արցախի կալանավորված ղեկավարության դեմ քրգործով

Օկուպացված Արցախի՝ Ադրբեջանի բանտերում գտնվող ռազմաքաղաքական ղեկավարների դեմ  քրեական գործն ուղարկվել է Բաքվի զինվորական դատարան։

Ադրբեջանի գլխավոր դատախազությունը Հայաստանի պատկան մարմիններին հրավիրել է համագործակցության․ «Ղեկավարվելով սույն քննչական գործի շրջանակում կասկածվող բազմաթիվ անձանց, ինչպես նաև վկաների՝ Հայաստանի տարածքում գտնվելու լուրջ պատճառներով՝ Ադրբեջանի գլխավոր դատախազությունը Հայաստանի պատկան մարմիններին համագործակցության հրավեր է անում»։
Հիեցնենք, որ 2023թ․ Արցախի դեմ ագրեսիայի ու բռնագաղթի ժամանակ Բաքվի գերության մեջ են հայտնվել Արցախի Հանրաետության նախկին նախագահներ Արկադի Ղուկասյանը, Բակո Սահակյանը, Արայիկ Հարությունյանը, ԱԺ նախագահ Դավիթ Իշխանյանը, նախկին արտգործնախարար Դավիթ Բաբայանը, ՊԲ նախկին հրամանատար Լևոն Մնացականյանը, նախկին պետնախարար Ռուբեն Վարդանյանը, ԶՈւ շտաբի նախկին պետ Դավիթ Մանուկյանը:
Ադրբեջանի գլխավոր դատախազությունը քրեական գործեր է հարուցել օկուպացված Արցախի Հանրապետության նախկին ռազմաքաղաքական ղեկավարների նկատմամբ՝ ահաբեկչության, ահաբեկչության ֆինանսավորման, օրենքով չնախատեսված զինված կազմավորումներ ու խմբավորումներ ստեղծելու, ահաբեկչության նպատակով վարժանքներ անցկացնելու հոդվածներով։