Երբ մենք դուրս գանք հրապարակ, դա լինելու է շարունակական եւ վերջնական. Բագրատ սրբազան
Երկու անգամ բացթողումներ ունեցանք, չկարողացանք արդյունքը արձանագրել։ Այս անգամ երբ փողոց դուրս գանք, վերջնական կհեռացնենք: Այս մասին այսօր՝ դեկտեմբերի 15-ին, լրագրողների հետ զրույցում ասել է Բագրատ արքեպիսկոպոս Գալստանյանը:
«Մեր այսօրվա նպատակն այն է, որ տեսնենք մեր համակիրներին, հասկանանք՝ ով ինչ կարգավիճակում է, որովհետև այս ընթացքում շատերին կալանավորել են, ձերբակալել են, հալածել են, գումարների վրա կալանքներ են դրել։ Այդ մարդիկ իրենց մենակ չպետք է զգան, պետք է իմանան, որ լքված չեն, եւ իմանան, որ ես գծից դուրս եկողը չեմ»,-ասաց նա:
Բագրատ Սրբազանը խոստովանեց, որ որոշակի բացթողումներ են եղել նախկինում, բայց այս անգամ չպետք է լինեն. «Հիմա մեզ համար ավելի լավ է՝ ժամանակի մեջ կարողանանք տեղավորվել, մեր խնդիրները, հարցերը լուծենք եւ ասել եմ, որ էն ժամանակ երբ մենք դուրս գանք հրապարակ, դա լինելու է շարունակական եւ վերջնական»,- ասել է նա:
Նշենք, որ Բագրատ Սրբազանը իր համակիրների հետ հանդիպումը անցկացնում է փակ ձեւաչափով:
Աղբյուր՝ News.am
Հետևեք մեզ Facebook-ում