Հայաստանի հավաքականի մրցակիցներն ու խաղացանկը՝ 2026թ. Աշխարհի առաջնության ընտրական փուքում

ՈՒԵՖԱ-ի պաշտոնական կայքում հրապարակվել է աշխարհի 2026 թ. առաջնության եվրոպական գոտու որակավորման փուլի խաղացանկը։

Հայաստանի հավաքականն ընդգրկվել է ընտրական փուլի F խմբում և մրցելու է Ազգերի լիգայի խաղարկության քառորդ եզրափակիչի Պորտուգալիա – Դանիա դիմակայության հաղթողի, Իռլանդիայի և Հունգարիայի թիմերի դեմ։

Խմբում առաջին հորիզոնականը զբաղեցրած հավաքականը կնվաճի աշխարհի առաջնության խմբային փուլի ուղեգիր, իսկ երկրորդ տեղը զբաղեցրած թիմը պայքարը կշարունակի անցումային փլեյ-օֆֆ-ում։

Հայաատանի հավաքականի խաղացանկը.

Հայաստան – Պորտուգալիա/Դանիա (սեպտեմբերի 6)

Հայաստան – Իռլանդիա (սեպտեմբերի 9)

Հունգարիա – Հայաստան (հոկտեմբերի 11)

Իռլանդիա – Հայաստան (հոկտեմբերի 14)

Հայաստան – Հունգարիա (նոյեմբերի 13)

Պորտուգալիա/Դանիա – Հայաստան (նոյեմբերի 16)
Այս մասին հաղորդում է interfootball.am-ը
---
Նկատենք, որ 2024 մրցաշրջանը տապալած Հայաստանի հավաքականը բավականին
ծանր վիճակում է ավարտում տարին. տակավին անորոշություն է ազգային թիմի գլխավոր մարզչի առումով: Մեր հավաքականը դեռևս չունի գլխավոր մարզիչ: Հանգուցալուծված չէ նաև ՀՖՖ «փաշինյանական» ղեկավարության և ֆուտբոլասերների դիմակայության հարցը. հիշեցնենք, որ ֆուտբոլասեր հանրությունը պահանջում էր ֆեդերացիայի ղեկավարության հրաժարականը, առհասարակ, «հայկական ֆուտբոլում» խորապես անառողջ մթնոլորտ է տիրում: 
Ի դեպ, արդեն եկող տարվա մարտի 20-ին և 23-ին Հայաստանի հավաքականը երկու հանդիպում պետք  ունենա Վրաստանի հավաքականի հետ՝ ՈւԵՖԱ-ի Ազգերի լիգայի մրցաշարի շրջանակներում: Դրանք լիգայի կարգավիճակային խմբերի անցումային խաղեր են: Եթե թիմը մինչ այդ գլխավոր մարզիչ ունենա, ապա Վրաստանի հետ «դերբին» հրաշալի հնարավորություն է՝ ԱԱ-2026-ին նախապատրաստվելու համար: 
Բնականաբար, մենք սրտանց հաջողություն ենք մաղթում մեր հավաքականին: Բա՛յց...
Բայց եթե մեր «ֆուտբոլային տնտեսության» մեջ այս ընթացքում ոչինչ չփոխվի, ապա ԱԱ որակավորման ընտրափուլում Հայաստանի հավաքականը կանխատեսելիորեն կարող է խմբում «նվաճել»... վերջից առաջին տեղը. Ֆարերյան կղզիներին սեփական դաշտում պարտվող թիմը հազիվ թե կարող է ավելի բարձր ակնկալիքներ ունենալ, առավել ևս, երբ երկիրը, ինչպես նաև  ֆուտբոլի բնագավառը ղեկավարում են «պարտությամբ հպարտանալու» «գաղափարախոսությամբ» առաջնորդվող անձինք:  
Zham.am