Փաշինյանի ոստիկանությունը հարձակվեց «Գումի շուկայի» մսավաճառների վրա, խլեց մսեղիքը (տեսանյութ)

Այսօր առավոտից ակտիվ եռուզեռ էր «Գումի շուկայի» մերձակա «մսի պասսաժում»: Չէ, պատճառը ամանորյա առևտուրը չէր, պարզապես ոստիկանության «ուղեկցությամբ», համապատասխան ծառայության ներկայացուցիչները «մտել» էին այս տարածք՝ ոչ սպանդանոցային մորթի պատրվակով եղած-չեղածն առգրավելու համար: 
Կարճ ասած՝ փաշինյանական ռեժիմի մահակը հասավ «քաղաքականությամբ չզբաղվող» մսավաճառներին... 

News.am-ը հաղորդում է, որ Երեւանի Գումի շուկայում իրավիճակն այս պահին շատ լարված է: ՍԱՏՄ աշխատակիցները կարմիրբերետավորների հետ թույլ չեն տալիս մսավաճառներին բացել իրենց կրպակները եւ առեւտուր սկսել:

Մսավաճառներից մեկը ներկայացնելով իրավիճակն ասաց. «Մեզ մոտ չկա սպանդանոց, որպեսզի սպանդանոցում մորթենք: Միսը մորթել, բերել եմ Երեւան, հիմա միսը առգրավում են՝ ասելով, որ սպանդանոցի թուղթը չունեմ: Էս հարցին լուծում եմ ուզում, եթե ոչ՝ բենզին եմ լցրել վրես, ավելի լավ է ինձ վառեմ, քան էս միսը իմ ձեռքից տանեն: Սա արդեն երկրորդ անգամ է, որ իմ միսը առգրավում են: Ուրիշ տարբերակ չունեմ, 15 օրում ինձնից 1,8 մլն դրամ արդեն կորցրել եմ: Ես ո՞ր գյուղացուն խաբեմ, փողը չտամ»:

Իրավիճակը մի պահ այնպես լարվեց, որ ոստիկանները սկսեցին բերման ենթարկել մսավաճառներից:
--
Իրավիճակը տեղից, ուղիղ միացմամբ ներկայացրել է լրագրող Սյուզի Բադոյանը:
Տեսանյութը՝ հղումով
https://www.facebook.com/syuzi.badoyan/videos/1627915591484435/?comment_id=1235945707695100&notif_id=1734068945585762&notif_t=feedback_reaction_generic&ref=notif