Նիկոլն էլ Ալիևի «Աղազարյանն» է. Արմեն Աշոտյան
ՀՀԿ փոխնախագահ, քաղբանտարկյալ Արմեն Աշոտյանը հեռավար կարգով պատասխանել է քաղաքացիների կողմից իրեն ուղղված հարցերին։
«Ինչպե՞ս կմեկնաբանեք Ալիևի վերջին հայտարարությունները՝ կապված ադրբեջանցիների՝ Հայաստան գալու հետ»,- հարց է ուղղվել Արմեն Աշոտյանին։
Ի պատասխան՝ նա նշել է․ «Ալիևի լեզուն երկարացրել և երկարացնում է Փաշինյանը։ Գործում է նաև բումերանգի կանոնը. Նիկոլը ՔՊ-ականներին ստորացնում և ենթարկեցնում է կոմպրոմատների տրցակով, նույնը Ալիևն անում է Նիկոլի հանդեպ։ Այդ իմաստով Նիկոլն էլ Ալիևի «Աղազարյանն» է։
Ինչ վերաբերում է Ալիևի հայտարարությունների բովանդակությանը, ապա աբսուրդ է, երբ Հայաստանի ռեժիմը չի բարձրացնում արցախայության վերադարձի հարցը իր Հայրենիք, ինչով բարենպաստ հող է ստեղծում Ալիևի կոնտրքայլերի համար։
Մենք կարող ենք և պետք է բարձրաձայնենք թե՛ արցախահայության, թե՛ Ադրբեջանից բռնագաղթված մոտ 400 000 մեր հայրենակիցների հարցը։ Սխեմատիկ ասած՝ այս հարցով ևս մենք ունենք հակառակորդի դարպասը գրավելու շատ ավելի մեծ շանսեր, քան Ալիևը։ Մանավանդ՝ Նիկոլն էլ վերջերս ԱԺ ամբիոնից պնդում էր, որ Հայաստանը պիտի միջազգային իրավակարգերին հավատարիմ մնա, իսկ այդ դաշտը ամբողջությամբ մեր օգտին է։ Բայց քանի որ Նիկոլը «բիրիքով» ծախել է այս խաղը, ուստի չզարմանաք, եթե ոչ թե մենք, այլ նրանք վերջիվերջո գոլ խփեն»։
Հետևեք մեզ Facebook-ում