Տնետուն աշխատանք․ Նիկոլին տոտալ մերժում են

«Մայր Հայաստան» շարժման առաջնորդ Անդրանիկ Թևանյանը գրում է. «Այսօրվանից «Մայր Հայաստանը» Երևանի բոլոր վարչական շրջաններում սկսել է տնետուն իրազեկման աշխատանքը։ Մենք քաղաքացիներին ենք ներկայացնում քաղաքային տրանսպորտին վերաբերող մեր նախագիծը, որին միացել է 17.000 մարդ։

Գործընթացն աննախադեպ է, քանզի նորանկախ Հայաստանի պատմության մեջ առաջին անգամ ՀՀ քաղաքացիները դառնում են ավագանու կողմից քննարկման ենթակա որոշման նախագծի հեղինակ։

Մենք բաժավել ենք խմբերի և միաժամանակ այցելում ենք տարբեր համայնքների բնակիչներին։ Մեր խումբն այցելել էր Քանաքեռ–Զեյթուն համայնքի ավելի քան 200 բնակարան։ Շփվել ենք քաղաքացիների հետ, ներկայացրել մեր նախագիծը։ Երբեմն շփումը վերածվում էր քաղաքական քննարկման։

Հ․Գ․։ Շնորհակալ եմ մեզ ջերմ ընդունող քաղաքացիներին։ Ոմանք անմիջապես հյուրասիրության էին կանչում, ոմանք հարևաններին էին ձայն տալիս։ Տնետուն աշխատանքը շատ արդյունավետ եմ գնահատում։ Վաղը, մյուս օրը, առաջիկա օրերին տնետուն աշխատանքը կրկին շարունակելու ենք»։