Իրանում ձերբակալվել է երկրի նախկին նախագահ Մահմուդ Ահմադինեջադը (Տեսանյութ)

Իրանի իշխանությունները ձերբակալել են երկրի նախկին նախագահ Մահմուդ Ահմադինեջադին: 61-ամյա Ահմադինեջադը ձերբակալվել է դեկտեմբերի վերջում սկսված փողոցային ցույցերին աջակցելու և հրահրելու համար, հայտնում են իրանական ԶԼՄ-ները:

Ձերբակալման հիմնավորումների թվում նշվում է այն, որ երկրի նախկին ղեկավարն այցելել է Բուշեր քաղաք, որտեղ բնակիչների հետ հանդիպման ընթացքում հայտարարել էր, թե իշխանություններին չեն մտահոգում սովորական մարդկանց խնդիրները: Նա մեղադրել էր նախագահ Հասան Ռոուհանիի կառավարությանը երկիրը պրոֆեսիոնալ կառավարելու անկարողության համար:

Հիշեցնենք, որ դեկտեմբերի 29-ից Իրանական Fars գործակալությունը հայտնել էր վեց քաղաքում զանգվածային ցույցերի մասին։ Ըստ իրանական լրատվամիջոցների՝ ցույցերն ուղղված են երկրի կառավարության վարած տնտեսական քաղաքականության դեմ։

Վերջին տվյալների համաձայն՝ ցույցերի հետևանքով զոհերի թիվը հասել է 20-ի:

Zham.am