Հայաստանի նկատմամբ ՀԱՊԿ բոլոր պարտավորությունները մնում են անփոփոխ․ ՀԱՊԿ գլխավոր քարտուղար
Հայաստանի նկատմամբ Հավաքական անվտանգության պայմանագրի կազմակերպության բոլոր պարտավորությունները մնում են անփոփոխ։ Այս մասին Sputnik հարթակում տեսակոնֆերանսի ժամանակ ասել է կազմակերպության գլխավոր քարտուղար Իմանղալի Թասմաղամբետովը։
Նրա խոսքով, Հայաստանի և կառույցի միջև հարաբերությունների վերջերս հաստատված ձևաչափն առաջին հերթին Հայաստանի ռազմաքաղաքական ղեկավարության որոշումն է։ Ինչպես հայտնի է, Երևանը հայտարարել է կառույցին անդամակցությունը սառեցնելու մասին, բայց, միևնույն ժամանակ, չի առարկում վերջնական փաստաթղթերի ընդունմանը։ ՀԱՊԿ գլխավոր քարտուղարը նշել է, որ Երևանի՝ հարցերի քննարկմանը չմասնակցելը չի ազդում կառույցի արդյունավետության վրա։
«Այնուամենայնիվ, մենք ելնում ենք նրանից, որ Հայաստանը մեր դաշնակիցն է, և մեր բոլոր պարտավորությունները մնում են մնում են անփոփոխ Հայաստանի նկատմամբ։ Նա ցանկացած պահի կարող է վերադառնալ կազմակերպությանը լիարժեք մասնակցությանը։ Առարկություններ չկան»,- հավելել է Թասմաղամբետովը։
Հետևեք մեզ Facebook-ում