Երևանի քաղաքապետարանը «շտրեյկբրեխեր»-վարորդներ է փնտրում՝ գործադուլավորների ռեպրեսիվ ազատումներից հետո

«Երևանի ավտոբուս» ՓԲԸ-ին անհրաժեշտ են «Դ» կարգի վարորդական իրավունք ունեցող վարորդներ՝ շարժակազմերը համալրելու համար։ Այսօր նման հայտաարություն է տարածել Երևանի քաղաքապետարանը՝ ներկայացնելով Հարկված (մաքուր) աշխատավարձերը՝

.«ՄԱՆ» – 401 500 ՀՀ դրամ,

.«Ժոնգ Տոնգ» – 309 500 ՀՀ դրամ,

.«Գազել Սիթի» – 219 500 ՀՀ դրամ։

«Աշխատանքային պայմաններին  ծանոթանալու համար՝ դիմել «Երևանի ավտոբուս» ՓԲԸ, ք. Երևան, Թևոսյան 9 հասցեով՝ աշխատանքային օրերին, ժամը, 10:00 – 15:00 կամ զանգահարել նշված հեռախոսահամարով՝ 093 674480»,-աաված է քաղաքապետարանի տարածած հայտարարության մեջ։

Հիշեցնենք, որ երեկ առավոտյան «Երևանի ավտոբուս» ՓԲԸ-ի մեծ թվով վարորդներ հրաժարվել են դուրս գալ երթուղիներ՝ բողոքելով աշխատանքային վատ պայմաններից։ Գործադուլի հետևանքով մարդիկ տևական ժամանակ անցկացրել են կանգառներում՝ չկարողանալով ժամանակին հասնել աշխատանքի, դասի։

«Որևէ տեսակի շանտաժի չենք տրվելու, կոմպրոմիսի չենք գնալու։ Կազմակերպիչները ենթարկվելու են խիստ պատասխանատվության»,-ի պատասխան հայտարարել է Երևանի քաղաքապետի պաշտոնը զբաղեցնող Տիգրան Ավինյանը։

Ավելի ուշ հայտնի դարձավ, որ 18 վարորդ արդեն ազատվել է աշխատանքից։
Այս մասին գրում է Panorama.am-ը:

Մեր կողմից նկատենք, որ սա ավելի շատ նմանվում է ոչ թե աշխատողների գործի հրավիրելու, այլ «շտրեյկբրեխերների» ներգրավելու: Համեմատաբար երիտասարդների համար նշենք, որ շտրեյկբրեխերները նրանք են, որոնց գործատուն ներգրավում է՝ գործադուլավոր աշխատավորների բողոքի դրսևորումը «ջարդելու» նպատակով: Հիմա Երևանի ավինյանական քաղաքապետարանը աշխատանքից ազատում է (որպես պատիժ) գործադուլավորներին ու անմիջապես... վարորդների աշխատանքի ընդունելու հայտարարություն է տարածում: 
Դասական «բռնատիրության բաստիոն»: