ԱՄՆ-ն դադարեցրել է Վրաստանի հետ իր ռազմավարական գործընկերությունը
ԱՄՆ հեռացող ու պարտված նախագահ Բայդենի ռեժիմն ու ռազմատենչ «դեմոկրատները» չեն էլ փորձում քողարկել, որ կանգնած են Վրաստանում օրինական իշխանությունը բռնի եղանակով տապալելու՝ այս օրերին տեղի ունեցող հեղաշրջման փորձի ետևում: Թե ի՞նչ ընթացք կունենա Վրաստանում «արևմտամետների» հեղաշրջման փորձը, դժար է ասել:
Բայց ԱՄՆ-ն արդեն հայտարարել է, որ Վրաստանի օրինական իշխանություններին գործընկեր, առավել և՝ «ռազմավարական գործընկեր» չի համարում (մեղմ ասած):
Պաշտոնապես՝ ԱՄՆ-ը դադարեցրել է իր ռազմավարական գործընկերությունը Վրաստանի հետ: Այս մասին հայտնում է Պետդեպարտամենտը։
««Վրացական երազանքի» տարբեր հակաժողովրդավարական գործողությունները խախտել են ԱՄՆ-Վրաստան ռազմավարական գործընկերության հիմնական սկզբունքները, որոնք հիմնված են ընդհանուր արժեքների և ժողովրդավարության, օրենքի գերակայության, քաղաքացիական հասարակության, մարդու իրավունքների և հիմնարար ազատությունների նկատմամբ հարգանքի վրա: Արդյունքում, Միացյալ Նահանգները դադարեցրել է այս մեխանիզմի գործունեությունը», – ասվում է գերատեսչության հայտարարության մեջ:
Հետևեք մեզ Facebook-ում