Թրամփի թիմը մեկնաբանել է Պուտինի հայտարարությունը. ТАСС
ԱՄՆ նորընտիր նախագահ Դոնալդ Թրամփը կփորձի վերականգնել համաշխարհային խաղաղությունը, սակայն, շեշտը դնելով ամերիկյան հզորության վրա։ Այս մասին ТАСС-ի թղթակցին ասել է Թրամփի նախընտրական շտաբի խոսնակ Քերոլայն Լևիթը՝ պատասխանելով ՌԴ նախագահ Վլադիմիր Պուտինի հայտարարությունը մեկնաբանելու խնդրանքին, որը, ի թիվս այլ բաների, նախազգուշացում էր արևմտյան երկրներին Ուկրաինայում հետագա էսկալացիայի ուղղությամբ իրենց կուրսի վտանգի մասին։
«Ամերիկյան ժողովուրդը վերընտրեց նախագահ Թրամփին, քանի որ կարծում է, որ նա կարող է ղեկավարել երկիրը և ուժի միջոցով վերականգնել համաշխարհային խաղաղությունը։ Երբ նա վերադառնա Սպիտակ տուն, նա կձեռնարկի անհրաժեշտ գործողություններ հենց դա անելու համար»,- ասել է Լևիթը։
Ինչպես իր ելույթում նշել է Պուտինը, արևմտյան հեռահար հրթիռների հարվածները Ռուսաստանի տարածքին Ուկրաինայի հակամարտությանը համաշխարհայինի առանձնահատկություններ են տվել։
«Մենք մեզ իրավասու ենք համարում օգտագործել մեր զենքն այն երկրների ռազմական օբյեկտների դեմ, որոնք թույլ են տալիս իրենց զենքն օգտագործել մեր կայանքների դեմ»,- ասել է ՌԴ նախագահը։
Արևմուտքի սադրիչ քաղաքականությունը կարող է հանգեցնել նրա համար սարսափելի հետևանքների, եթե հակամարտությունն էլ ավելի սրվի, նախազգուշացրել է Ռուսաստանի ղեկավարը։
Հետևեք մեզ Facebook-ում