Ինչպես է նա ամեն ինչ հասցնում. Գոհար Հարությունյանի խորհուրդները` ամանորին ընդառաջ. Լուսանկարներ

Իրեն ուղղված հիացական հայացքներին Գոհար Հարությունյանը վաղուց է սովոր, «Միսս Հայաստան 1998» ,“Միսս ԱՊՀ 1999” եւ “Միսիս գլոբ 2009” տիտղոսակիրը հիմա էլ՝ բազմազավակ մայր լիելով, հիանալի տեսք ունի և կառուցվածք, որին կնախանձեին շատ երիտասարդ աղջիկներ: Գոհար Հարությունյանն իսկական մոտիվացիա է փոքրիկ ունեցող մայրիկների համար: Նա ֆենոմենալ կերպով կարողանում է թե՛ խնամել արդեն 5 բալիկներին ( 2017-ին ծնվեցին Գոհարի զույգ զավակները) , թե’ զբաղվել ակտիվ աշխատանքային գործունեությամբ (2017-ին Գոհարը կազմակերպեց տարվա ամենաքննարկված միջոցառումը՝ Միսս Արմենիան) , թե’ մշտապես գեղեցիկ ու խնամված տեսք ունենալ: Ինչպես է դա նրան հաջողվում: 2017-ի եզրափակիչ հարցազրույցում Wnews.am-ը որոշեց պարզել դա: Զրուցեցինք գեղեցկության, ոճի և, իհարկե, տարվա գլխավոր գիշերվա մասին:

Կարծրատիպ կա, որ բազմազավակ մայրիկները չեն հասցնում իրենց խնամել, բայց խնամված, գեղեցիկ կառուցվածք կարելի է ունենալ անգամ 5 երեխաներ ունենալով, ի վերջո, ոչ թե երեխաներ ունենալն է փչացնում կառուցվածքը, այլ օրինակ սնունդը , սպորտով չզբաղվելը: Խորհուրդ եմ տալիս բոլոր երիտասարդ աղջիկներին սպորտով զբաղվել, քանի որ երիտասարդ տարիներին սպորտով զբաղվելու դեպքում, ավելի հասուն տարիքում կազմվածքը չի փոխվում, անկախ նրանից, թե քանի երեխա ես ունենում: Լավ կառուցվածք ունենալու միակ պայմանը դա է, ոչ թե դիետաներն ու քաղցած մնալը:

Մեկ անգամ գրավելով «Միսս Հայստան» տիտղոսը, քեզ միշտ ընդունելու են որպես գեղեցուհի և ոչ մեկ հաշվի չի առնելու քանի երեխա ունես, ավելին՝ 5 երեխաներ ունենալը ավելի պարտավորեցնող է: Բնականաբար, առաջին խնամքը պետք է տալ փոքրիկներին, բայց հետո մայրիկն էլ պետք է ժամանակ գտնի իրեն խնամելու :

Արդեն առաջին երեխայի ծնունդից հետո, սկսեցի ավելի հարմարավետ հագնվել, բայց և այնպես, չեմ մոռանում գործնական հանդիպումների ժամանակ կամ իմ տրամադրության համար լինել ներկայանալի և գեղեցիկ: Ի վերջո՝ պարտադիր չէ անպայման բարձրակրունկներ և շատ նեղ հագուստ կրել, առօրյա հարմարավետ հագուստն էլ կարող է ոճային և գեղեցիկ լինել: Ի դեպ՝ Ամանորը ևս դիմավորելու եմ հարմարավետ հագուստով,քանի որ տանն ենք անցկացնելու: Երեխաներս դեռ 2.5 ամսեկան են և նրանց պետք է խնամեմ: Իսկ ընդհանրապես, ամենալավ ոճն ու գեղեցիկ մնալու գաղտնիքը դա լավ տրամադրության մեջ է, այնպես որ, եղեք ուրախ և երջանիկ:

Աքաղաղի տարին իրադարձություններով լի էր ինձ համար: Գլխավորն , իհարկե, զավակներիս ծնունդն էր և 2018-ի հիմնական մասը նվիրված կլինի նրանց խնամքին: Կշարունակեմ նաև 2017-ին սկսած գործունեությունս. կանցկացվի «Միսս Արմենիա 2018»-ը, որն ավելի հանգիստ մթնոլորտում կընթանա՝ հաշվի առնելով նախորդ տարվա փորձը: Շատ լավ սպասումներ ունեմ գալիք տարուց: Շնորհավորում եմ բոլորի Ամանորն ու Սուրբ Ծնունդը:

Աղբյուրը` Wnews.am