Ոստիկանության «նվաճումներից». փոխհրաձգություն Արտաշատում, 2 զոհ, 4 վիրավոր

Այն, որ Հայաստանում ոստիկանությունը գոյություն ունի միայն Նիկոլ Փաշինյանի իշխանությունն ամեն գնով պահելու, խաղաղ ցուցարարներին վրա նռնակներ նետելու, հայ մարդկանց ծեծելու, խոշտանելու, հաշմելու և հետապնդելու համար, վաղուց է հայտնի: Բնական է, որ նման պայմաններում ինչ այլանդակություն ասես, կարող է տեղի ունենալ: 
Արտաշատում նախօրեին տեղի է ունեցել փոխհրաձգություն, որի հետևանքով երկու հոգի սպանվել է, ևս 4 հոգի՝ վիրավորվել: 
Այսինքն, դեպքի վայրում բավականին մեծ թվով անձինք են հավաքված եղել, այդ ընդհարումը միառժամանակ խմորվել է, հետո եղել է բուն միջադեպը: Թե ինչո՞վ է այդ ամբողջ ընթացքում զբաղված եղել ամեն ծակուծուկում պարեկներ դրած, ահռելի «աշխատավարձեր» ստացող փաշինյանական ոստիկանությունը, անհայտ է: Նրանք հայտնվել են արդեն դեպքից հետո, խաղաղ ցուցարարների նկատմամբ խորագույն ատելություն ունեցող, Փաշինյանին նվիրված ոստիկանապեհ, ՆԳ փոխնախարար Հովհաննիյան Ա.-ի գլխավորությամբ: Դեռ մի բան էլ հաղորդում են, թե՝ «դեպքը բացահայտվել է»: 

Ահավասիկ, Panorama.am-ում և այլ կայքերում կատարվածի վերաբերյալ ոստիկանական հաղորդագրության տարբերակը՝ .
««Արտաշատ» բժշկական կենտրոնից  նոյեմբերի 8-ին, ժամը 21-ին,ՆԳՆ ոստիկանություն հաղորդում է ստացվել, որ բուժօգնության են դիմել հրազենային վնասվածքներով քաղաքացիներ: 15 րոպե անց նույն կենտրոնից ստացվել է ևս մի հաղորդում․ բուժօգնության դիմած չորս քաղաքացուց երեքը բուժօգնություն են ստանում, իսկ Ազատամարտիկների փողոցի 15-ամյա բնակիչ Ռուբեն Ռուբենյանը վիրահատարանում մահացել է:

Քրեական ոստիկանության Արարատի մարզային վարչության, Համայնքային ոստիկանության Արարատի տարածքային ստորաբաժանումների ծառայողները և Արարատի մարզի պարեկները րոպեներ անց դեպքի վայր են մեկնել՝ հնարավոր զարգացումները կանխելու նպատակով։
Մեկնել են նաև Ոստիկանության պետ-ՆԳ նախարարի տեղակալ Արամ Հովհաննիսյանը, նրա տեղակալներն ու նախարարության ղեկավար կազմի ներկայացուցիչներ։

Ձեռնարկված օպերատիվ-հետախուզական միջոցառումների արդյունքում պարզվել է, որ նոյեմբերի 8-ին, ժամը 20.20-ի սահմաններում, Արտաշատից Ոստան գյուղ տանող ճանապարհի հարակից տարածքում, զավակների հետ կապված վիճաբանության ժամանակ, Արտաշատի Ազատամարտիկների փողոցի բնակիչ 46-ամյա Արտակ Մաթևոսյանը և Աղայան փողոցի բնակիչ 45-ամյա տղամարդը, ըստ նախնական տվյալների, իրենց մոտ եղած հրացաններով կրակել են իրար վրա, ինչի հետևանքով Արտակ Մաթևոսյանը մահացել է, իսկ 46-ամյա տղամարդը հրազենային վնասվածքներով տեղափոխվել է բժշկական կենտրոն։

Միջադեպի արդյունքում 2 անձ մահացել է, 4-ը՝ ստացել մարմնական վնասվածքներ։

Ոստիկանների ձեռնարկած անհետաձգելի օպերատիվ-հետախուզական միջոցառումների արդյունքում կանխվել են հետագա զարգացումերը և պարզվել են վիճաբանության պատճառն ու դեպքին առնչվող այլ հանգամանքներ, որոնք այս պահին հրապարակման ենթակա չեն։

Ըստ այս պահին հայտնի տվյալների՝ հրազեններից մեկը, որից արձակվել են կրակոցներ, որսորդական է, որը հաշվառված է կրակոցներ արձակողի անվամբ։

Նախաձեռնված քրեական վարույթի շրջանակում կան ձերբակալվածներ»: