Թրամփը հայտարարել է ԱՄՆ նախագահական ընտրություններում հաղթանակի մասին

Դոնալդ Թրամփը հայտարարել է նախագահական ընտրություններում քաղաքական հաղթանակի մասին և իրեն անվանել ԱՄՆ 47-րդ նախագահ։

«Սա քաղաքական հաղթանակ է, որը մեր երկիրը նախկինում երբեք չի տեսել։ Ես ուզում եմ շնորհակալություն հայտնել ամերիկացի ժողովրդին՝ ձեր 47-րդ նախագահ ընտրվելու արտասովոր պատվին արժանացնելու համար», - ասել է նախագահի հանրապետական թեկնածու Թրամփը Ֆլորիդայում գտնվող Մար-ա-Լագոյի իր կալվածքում:

Թրամփը խոստացել է ընտրողներին, որ իր նախագահությունը կդառնա «իսկապես ոսկե դարաշրջան» ԱՄՆ պատմության մեջ: Քաղաքական գործիչը կանխատեսել է, որ ընդհանուր առմամբ կստանա ավելի քան 315 ընտրիչներ ձայն։ Հաղթելու համար անհրաժեշտ է 270:

Fox News հեռուստաալիքի և The Hill թերթի կանխատեսումների համաձայն՝ Թրամփը հաղթել է նոյեմբերի 5-ին ԱՄՆ-ում կայացած ընտրություններում։ ԱՄՆ իշխող՝ Դեմոկրատական կուսակցությունը ներկայացնում էր Կամալա Հարիսը։ Նա Միացյալ Նահանգների փոխնախագահն է 2021 թվականի հունվարից։

Թրամփը ԱՄՆ 45-րդ նախագահն էր։ Նա պարտվել էր 2020 թվականի ընտրություններում դեմոկրատ Ջո Բայդենին։
Աղբյուր` Panorama.am