Վրաստանի արևմտամետ նախագահ Սալոմե Զուրաբիշվիլին տարածքային պահանջներ ունի Հայաստանից
Վրատանի նախագահ, Արևմտյան տերությունների հանձնակատար Սալոմե Զուրաբիշվիլին տարածքային պահանջներ ունի Հայաստանից: ԱՄՆ-ի ու Եվրամիության շահերն սպասարկող այդ պառավ կնիկը Լոռին հայտարարում է որպես «Մեծ Վրաստանի» մի մաս: Հայաստանի այսպես կոչված ղեկավարությունը, բնականաբար, հեծանիվ է քշում և մտմտում երկիրը թուրքերի ոտաշոր դարձնելու իր երազանքների իրականացման մասին, այնպես որ, Լոռին էլ երևի չեն վարանի Վրաստանին նվիրել:
Արմեն Հովասափյանը այս թեմայի առնչությամբ ֆեյսբուքյան իր էջում գրել է. «Վրաստանի նախագահ Սալոմե Զուրաբիշվիլին վերջնականապես է կորցրել ադեկվատությունը և, ոնց հասկանում եմ, այլևս ոչ մի ռացիոնալ միտք ու թեզ չի կարողանում ներկայացնել։
Բառացիորեն 2 օր առաջ Զուրաբիշվիլին ֆեյսբուքյան իր էջում կսվել է «Աջարիա Վոյաժ» տուրիստական ընկերության գովազդով, որն առաջարկում է զբոսաշրջություն Լոռու մարզում։
Ընկերությունն իր այցի ընթացքում ծանոթացնում է Լոռվա հրաշք եկեղեցիների՝ Օձունի, Ախթալայի, Հաղպատի, Սանահինի ու Քոբայրավանքի հետ, ներկայացնում Լոռվա մյուս պատմաշակութային արժեքները։ Եվ ահա, վերը նշված տիկինը, վրացերեն ասած՝ քալբատոնոն, կիսվել է այս հղմամբ որտեղ նշվում է՝ «Պատմական Վրաստան։ Յուրահատուկ մշակույթ, որը ցավոք մնաց Լոռիում։ Հիշենք և փառաբանենք Մեծ Վրաստանը»։
Քալբատոնո Սալոմեն, իր եվրոպացի գլոբալիստ բարեկամների հետ ամեն օր եսիմ-ինչ արհեստական արժեքներից, բարձր կուլտուրայից, «ժողովրդավարության» և նման այլ բաներից է խոսում, բայց «գետնի վրա» բացահայտ ագրեսիա և ծավալապաշտական հայտարարություններ է անում։ Վրացի եվրոպականներն ինքնամոռաց դեպի Եվրոպա են վազում, բայց դեռ միջնադարից դուրս չեն եկել, Զուրաբիշվիլին էլ իրեն դրել է մերօրյա Թամարա թագուհու տեղը։
Հետևեք մեզ Facebook-ում