Էլեգանտ, հուսալի ու գերհարմարավետ. Վրաստանում կայացավ նոր «Տոյոտա Քեմրի»-ի շնորհանդեսը
«Տոյոտա Կովկաս» ընկերությունը Հարավային Կովկասի երկրների լրատվամիջոցների ներկայացուցիչներին հրավիրել էր Վրաստանի Զուգդիդի քաղաք՝ մասնակցելու նոր՝ ութերորդ սերնդի «Տոյոտա Քեմրի»-ի փորձարկմանը։
Տարածաշրջանի լրատվամիջոցների ներկայացուցիչները հնարավորություն ունեցան Զուգդիդիի քաղաքային, Սիսատուրա գյուղի արտաճանապարհային պայմաններում, ինչպեսնաև Էնգուրի հիդրոէլեկտրակայան տանող բարձրադիր ճանապարհին փորձարկել նոր Քեմրին։
Նրբաոճ դիզայնով ու կատարելագործված տեխնոլոգիաներով նոր «Տոյոտա Քեմրի»-ն նույնքան հուսալի է ինչպես քաղաքային, այնպես էլ` արտաճանապարհային պայմաններում. սեդանը հարմարավետության ու հուսալիության միաձուլում է. հագեցած է անվտանգության, վարորդի աջակցության, մուլտիմեդիա համակարգերով։
Անվտանգությունն ապահովելու համար կիրառվել է Toyota safety sense համակարգը, նախաբախման անվտանգության համակարգը նվազեցնում է այլ տրանսպորտային միջոցների ու հետիոտների հետ բախման վտանգը, արտակարգ իրավիճակների վարորդական կանգառի համակարգի շնորհիվ էլ մեքենան ինքնուրույն կանգ է առնում, երբ վարորդը որևէ ազդանշանի չի արձագանքում, դե իսկ ինտերակտիվ բազմաֆունկցիոնալ ղեկը մեքենայի կառավարումը դարձնում է խիստ հարմարավետ ու հաճելի՝ մեկ հպումով։
Անձրևի ու լույսի սենսորներ, ձայնամեկուսացում, 12.3 դյույմ մոնիտոր, տաքացվող և հովացվող նստելատեղեր, հարմարավետ սրահ. նոր «Տոյոտա Քեմրի»-ի հետ ամենաերկար թվացող ճանապարհներներն անգամ հաճելի կթվան. «Տոյոտա Քեմրի»-ի միջին, բարձր, պրեմիում դասի մոդելները կգոհացնեն տարատեսակ պահանջներ ու ակնկալիքներ ունեցող վարորդներին. Նոր «Քեմրի»-ն մեծագույն պատասխանատվությամբ կսպասարկի նաև ամենաքմահաճ ուղևորներին ու նաև հրաշալի ընտրություն կլինի ընտանիքի անդամների համար։
1982 թվականից՝ տասնյակ տարիներ գին-որակ համադրությամբ համաշխարհային շուկան նվաճած «Տոյոտա Քեմրի»-ի արդեն ութերորդ սերնդի սեդանը պատրաստ է շարունակել նախորդների վաճառքի ռեկորդային ցուցանիշները։ 2.5 լիտր շարժիչի ծավալով, 204 ձիաուժով նոր «Տոյոտա Քեմրի»-ն շուտով հասանելի կլինի «Տոյոտա Երևան»-ում՝ պատրաստ գոհացնելու խստապահանջ հայ վարորդներին։