Առաջիկայում լիքը հետաքրքիր իրադարձություններ են լինելու, պինդ կամրակապվեք. Վիլեն Գաբրիելյան

ՔՊ խմբակցության պատգամավոր Վիլեն Գաբրիելյանը (սոցցանցերում հայտնի է նաև «Նավակ ճոճող» անվանմամբ) ֆեյսբուքյան իր էջում գրել է.

Ուրեմն Տոնոյանի հետ նկար եմ տեղադրել և ինձ համար շատ բնական է, որ կարող են մարդիկ լինել, ովքեր կգան կասեն՝ դատվելու եք կամ բան չմնաց պատի տակ ոտքերիցդ կրակելու ենք, կամ ամբախ-զամբախ վիրավորանքներ գրեն։ Դրան բացարձակապես սառնասիրտ եմ վերաբերվում, ինչքան էլ տարօրինակ կարող են լինել մարդկանց արյունարբու ցանկությունները, ես ըմբռնումով եմ:

Ձեզ վստահեցնում եմ, որ Նիկոլը ձեր պաշտպանության կարիքը` առավել ևս ինձնից, չունի, առավել ևս հենց ձեր անորակ ոճի պաշտպաությանը, որը հենց իրեն բացի վնասից, այլ բան չի բերում, որովհետև առաջինը`ամենավերջում դուք չեք լինելու, իսկ ես իմ նույն տեղն եմ լինելու, իսկ իմ տեղն այդ շրջանակում շատ հստակ է:

Երկրորդը, դուք, փաստորեն, բացի նրանից, որ շատ բան ընկալում եք այնպես, ինչպես կուզեք, նաև ուշադիր էլ չեք, թե ո՞վ ի՞նչ, որտե՞ղ և ինչպե՞ս է խոսում, առավել ևս Վարչապետի դեպքում: Այո’, Վարչապետը մի քանի անգամ ասել է «անպիտան հրթիռների» մասին, ասել է, որ քրեական գործեր կան, ասել է, որ կալանավորված մարդիկ կան, բայց մի անգամ չեմ լսել, որ անմեղության կանխավարկածը խախտած լինի, առավելևս, որ փոխկապակցված շատ ու շատ այլ կարևոր բաներ է ասել:

Պատճառն էլ շատ պարզ է, քանի որ անմեղության կանխավարկածը Սահմանադրության և օրենքի պահանջ է, իսկ մեր Վարչապետը դրանք միշտ հարգել է, ի տարբերություն ձեզ:

Երրորդը, եթե Նիկոլին պաշտպանելու տենց անխոնջ ցանկություն ունեք, ավելի լավ է տարատեսակ թայֆայաբազություններից, մուտիլովկեքից, պատերի տակ փսփսոցների դեմ պայքարեք, այդ թվում նրանց դեմ, որոնցում դուք կաք, իսկ այլ ավելի մեծ օգուտ տված կլինեք, եթե դրա տեղը գնաք, աշխատեք ավելի շոշափելի արդյունքներ ստանալու վրա և դա չի ենթադրում թունդ ստատուսներ համացանցում կամ այլ ավելի ուժեղ մուտիտ:

Եվ վերջինը, քանի որ պարզվում է, դուք շատ բան չեք հասկանում, առավել ևս՝ համակարգերից, համակարգերի էությունից, գործելաոճից, Ձեզ վստահեցնում եմ, որ առաջիկայում լիքը հետաքրքիր իրադարձություններ ա լինելու, այդ թվում ՝նշված դեպքի առնչությամբ: Պինդ կամրակապվեք: Այսքանը:

Եղեք՝ զգոն, սառնասիրտ, հավասարակշիռ, ուժեղ, տոկուն»։
---
Մեր կողմից. այլ իրավիճակներում բավականին զվարճալի կլիներ հետևել ներիշխանական մինի ու մաքսի գզվռտոցներին: Մեր իրավիճակում մնում է թերևս միայն հոգոց հանել. ու սրանք, էսպիսի մտածողությամբ ու ընկալումներով երկիր են կառավարում, ճակատագրական որոշումներ են կայացնում, հանրագումարում՝ ազդում են մի ամբողջ երկրի կյանքի վրա, իսկ ավելի ճիշտ՝ մի ամբողջ երկիր տանում են ստույգ կործանման: