Պատրաստեք մակույկները, փչովի նավակները՝ հորդառատ անձրևներ են սպասվում, իսկ փաշինյանական իշխանությունները ոչինչ չեն անելու

«ՀայՀիդրոմետը» տեղեկացնում է՝ արևմուտքից ակտիվ ցիկլոնի ներթափանցմամբ պայմանավորված, հոկտեմբերի 16-ի ուշ երեկոյան և 17-ին, 17-ի լույս 18-ի գիշերը  հանրապետության շրջանների մեծ մասում սպասվում են հորդառատ անձրևներ և ամպրոպ։
Օդի ջերմաստիճանը հոկտեմբերի 17-19-ին հանրապետության ողջ տարածքում աստիճանաբար կնվազի, այսօրվա համեմատ՝ մոտ 6-9 աստիճանով։
Հորդառատ տեղումներով պայմանավորված հոկտեմբերի 17 - 18 - ին հանրապետության գետերի մեծ մասում սպասվում է ջրի ելքերի զգալի մեծացում:
Ու, քանի որ փաշինյանական իշխանությունը, այդ թվում՝ Երևանի քաղաքային իշխանությունը նման դեպքերում մատը մատին չի խփում, խելամիտ է, որ մեր սիրելի հայրենակիցները պատրաստվեն ակտիվ ինքնապաշտպանության: Մասնավորապես, ձեռքի տակ ունենան փչովի նավակներ, մակույկներ, փրկօղակներ, փրկաբաճկոններ, երկարաճիտք ռետինե կոշիկներ (ձկնորսի սապոգ), հեղեղման հակված տարածքներում՝ առնվազն ալյուրի, խմելու ջրի, մոմի, չոր սպիրտի եռօրյա պաշար: Պատրաստվե՛ք, որովհետև փաշինյանական իշխանությունները, միևնույն է, ոչինչ չեն անելու:  
Zham.am