74-ամյա կնոջ ստամոքսում մոտ 150 մետաղական իր են հայտնաբերել (լուսանկարներ)

Ուշագրավ դեպք է տեղի ունեցել Ռուսաստանի Բուրյաթիայում, որտեղ, ինչպես տեղեկացնում է ՌԻԱ «Նովոստի»-ն, Ն.Ա. Սեմաշկոյի անվան հիվանդանոցի բժիշկները 74-ամյա կնոջ ստամոքսում հայտնաբերել են ընդհանուր առմամբ 152 մետաղական իր, այդ թվում մեխեր, պտուտակներ, հեղույսներ, մոտ 15 սմ երկարություն ունեցող ամրաններ և անգամ արծաթյա շղթա:

Ինչպես տեղեկացնում է աղբյուրը, վիրահատության ընթացքում բժիշկներին հաջողվել է դուրս բերել բոլոր իրերը, և այժմ կնոջ կյանքին որևէ վտանգ չի սպառնում: 

Բժիշկները հրաժարվել են հայտնել՝ ինչպես են այդ իրերը հայտնվել կնոջ ստամոքսում, պատճառաբանելով, որ դա «բժշկական գաղտնիք է»: 

Zham.am