Ալիևը կարևոր է համարում Ադրբեջանի և ՌԴ-ի միջև տնտեսական կապերի ընդլայնումը

Ադրբեջանի նախագահ Իլհամ Ալիևը կարևոր է համարել Ռուսաստանի հետ տնտեսական կապերի ընդլայնմանն ուղղված հատուկ միջոցների ընդունումը: Այս մասին, ինչպես տեղեկացնում է ՌԻԱ «Նովոստի»-ն, նա հայտարարել է ՌԴ տնտեսական զարգացման նախարարության ղեկավար Մաքսկիմ Օրեշկինի հետ հանդիպման ժամանակ:

Աղբյուրի փոխանցմամբ՝ Ալիևը նաև դրական է գնահատել դեպի Ռուսաստան ադրբեջանական ապրանքի արտահանման ծավալների աճը: 

Օրեշկինը, իր հերթին, նշել է, որ դեպի Ռուսաստան գյուղատնտեսական արտադրանքի արտահանումն Ադրբեջանից աճել է 60 տոկոսով:  ՌԴ տնտեսական զարգացման նախարարության ղեկավարն ընդգծել է, որ ռուսաստանցիների կողմից դա ընկալվել է որպես «լավ լուր»: Օրեշկինը հայտնել է, որ ռուսաստանյան կողմը որոշում է կայացրել դեպի երկրի շուկա մուտք բացել գյուղատնտեսական ապրանք արտադրող ևս 14 ադրբեջանական ընկերության համար:   

Zham.am