Իրանի ԱԳՆ ղեկավարը ԱՄՆ պատժամիջոցներն ոչ լեգիտիմ է որակել

Իրանի արտգործնախարար Ջավադ Զարիֆը հայտարարեց, որ ԱՄՆ նոր պատժամիջոցները Իրանը գնահատում է որպես ոչ լեգիտիմ, և հաղորդեց պատասխան քայլերի մասին ամերիկացիների դեմ, հաղորդում է ՌԻԱ Նովոստին՝ տեղական ԶԼՄ-ին հղելով:

- Նոր պատժամիջոցները... անհամատեղելի են ԱՄՆ պարտավորությունների և ՄԱԿ-ի Անվտանգության խորհրդի 2231 բանաձևի հետ, որն ամրապնդել է Իրանի և "վեցնյակի" երկրների միջև համաձայնագրերը, - ասաց Զարիֆը:

Ինչպես հաղորդվում է, իրանական ԱԳՆ ղեկավարը նաև ընդգծեց, որ Վաշինգթոնի կիրառած պատժամիջոցների հետ կապված Թեհրանը սահմանափակումներ կկիրառի ԱՄՆ որոշ քաղաքացիների և կազմակերպությունների դեմ, որոնք օգնությւոն են տրամադրել ահաբեկչական խմբավորումներին, այդ թվում ֆինանսական:

Երեկ ԱՄՆ-ն պատժամիջոցների ցուցակում Իրանի 13 ֆիզիկական անձ է ընդգրկել, ինչպես նաև ԱՄԷ-ի, Քուվեյթի և Լիբանանի քաղաքացիների:

Չնայած նրան, որ ԱՄՆ պարտավորվել է չեղարկել Իրանի դեմ պատժամիջոցները միջուկային ծրագրի շրջանակներում, այնուամենայնիվ նրանք այլ պատժամիջոցներ են պահպանում Իրանի դեմ: Իրանական իշխանությունները հայտարարում են, որ դա միջուկային ծրագրի համաձայնագրի  խախտում է: Վաշինգթոնը, սակայն, դրա հետ համամիտ չէ:

Zham.am