«Մայր Հայաստանը» տասնյակ նոր գրքեր է նվիրել Լուգանսկի պետական ակադեմիային (լուսանկար)
Միխայիլ Մատուսովսկու անվան պետական ակադեմիա են այցելել «Մայր Հայաստան» դաշինքի ներկայացուցիչները՝ Անդրանիկ Թևանյանի գլխավորությամբ։ Ակադեմիայի տելեգրամյան ալիքը հայտնում է, որ «Մայր Հայաստանը» տարբեր ոլորտներին վերաբերող տասնյակ նոր գրքեր է նվիրել ակադեմիական գրադարանին։
Ակադեմիայի գրադարանում, որը կբացվի շատ շուտով, հասանելի կլինեն երաժշտական արվեստի, դիզայնի, կինեմատոգրաֆիայի, խորեոգրաֆիայի, գովազդի և PR-ի վերաբերյալ ժամանակակից հրատարակություններ։
Մատուսովսկու անվան ակադեմիայի ռեկտոր Վալերի Ֆիլիպովը շնորհակալություն է հայտնել հյուրերին և հրավիրել Հայաստանի ստեղծագործ երիտասարդներին մասնակցել Ակադեմիայի կողմից կազմակերպվող մրցույթներին և փառատոններին։
Հյուրերն այցելել են պատկերասրահ, որտեղ առաջինն են ծանոթացել ԼԺՀ վաստակավոր նկարիչ, դոցենտ, Հագուստի և տեքստիլ արվեստի ամբիոնի վարիչ Արևիկ Մալխասյանի նոր անհատական ցուցահանդեսին։
Հետևեք մեզ Facebook-ում