«Չելսի»-Նոա» շուտով... Հայտնի են «Նոա»-ի մրցակիցները Կոնֆերենցիաների լիգայի հիմնական փուլում

Օգոստոսի 30-ին Մոնակոյում կայացավ Կոնֆերենցիաների լիգայի հիմնական փուլի վիճակահանությունը։

Մրցաշարի այդ փուլին մասնակցելու է ֆուտբոլի Հայաստանի փոխչեմպիոն «Նոան», որը նույնպես իմացավ իր մրցակիցներին։ Ռուի Մոտայի գլխավորած թիմը հիմնական փուլում տանը մրցելու է կիպրական ԱՊՕԵԼ-ի, չեխական «Մլադա Բոլեսլավի» ու իսլանդական «Վիկինգուրի» դեմ։ Ակումբը կհյուրընկալվի Լոնդոնի «Չելսիին» (Անգլիա), Վիեննայի «Ռապիդին» (Ավստրիա) և սերբական «Բաչկա Տոպոլային»։

«Նոան» պայքարն սկսել էր Կոնֆերենցիաների լիգայի որակավորման առաջին փուլից և հաղթահարել է համապատասխանաբար հյուսիսմակեդոնական «Շկենդիայի» (2:0, 2:1), Մալթան նորկայացնող «Սլիմա Վոնդերերսի» (7:0, 0:0), հունական ԱԵԿ-ի (3:1, 0:1), Սլովակիայի գավաթակիր «Ռուժոմբերոկի» (3:0, 1:3) արգելքները։

Հիշեցնենք, որ Կոնֆերենցիաների լիգայում նույնպես փոխվել է ձևաչափը։ 36 ակումբներն ընդգրկվելու են ընդհանուր խմբում։ Ակումբները միմյանց դեմ մրցելու են մեկ անգամ։ 1-8-րդ տեղերը գրաված ակումբները դուրս կգան 1/8 եզրափակիչ, 9-24-րդ տեղերը զբաղեցրած ակումբները պայքարը կշարունակեն անցումային փուլում։ Անցումային փուլի հաղթողները նույնպես դուրս կգան 1/8 եզրափակիչ, որտեղից պայքարը շարունակվելու է բոլորին հայտնի փլեյ-օֆֆ ձևաչափով։ Մրցաշարը մեկնարկելու է հոկտեմբերի 3-ին։
Աղբյուր՝ interfootball.am