«Մեր մանկության մանկական երկաթուղին վերածվել է խայտառակ տարածքի»․ Սոնա Աղեկյան

«Մայր Հայաստան» դաշինքի անդամ Սոնա Աղեկյանի ֆեյսբուքյան գրառումը․ «Ահա թե ինչի է վերածվել Մանկական երկաթուղին իշխանության անկարողության հետևանքով։ Մեր օրերում մեր մանկության մանկական երկաթուղին վերածվել է խայտառակ տարածքի` փնթի, աղբոտ, քամուց պոկված ու գետնին թափված ծառերով ու հաստ ճյուղերով։

Երկաթուղին վաղուց չի աշխատում, իսկ վագոններն օգտագործվում են որպես հարբեցողության և թմրամիջոցների օգտագործման ապահով վայր։ Ազգային նպատակ ունեցող իշխանության պարագայում մենք նման արձանագրում չէինք ունենա, հակառակը` մեր երեխաներն ու երիտասարդները կունենային ժամանակակից ժամանցային վայր` բնության գողտրիկ այս հատվածում»։