Հայաստանի էներգամատակարարման խայտառակ վիճակը «ելավ» միջազգային ասպարեզ (լրացված)

Կոնֆերենցիաների լիգայի որակավորման փլեյ-օֆֆ փուլի առաջին խաղում Հայաստանի փոխչեմպիոն «Նոան» Աբովյանի քաղաքային ստադիոնում մրցում է Սլովակիայի գավաթակիր «Ռուժոմբերոկի» դեմ։
Հայկական թիմը առաջին խաղակեսի սկզբում խփած գոլի շնորհիվ 1-0 հաշվով հաղթում էր սլովակիական ակումբին, իսկ երկրորդում էլ շատ մոտ էր հաշիվը կրկնապատկելուն, բայց 68-րդ րոպեին...
Չէ, գոլ չեղավ, ու խոսքն արդեն ֆուտբոլի մասին չէ: Այն, որ Հայաստանում, հատկապես մայրաքաղաքում էներգամատակարարման վիճակը խայտառակագույն է, ասենք՝ ջրամատակարարումը՝ ևս, մենք բոլորս գիտենք: 
Մեծ հաշվով, դա փաշինյանական անձեռնահաս իշխանավարման հետևանք է: 
Բայց այսօր այդ խայտառակությամբ Հայաստանը «ելավ» նաև միջազգային ասպարեզ: Ֆուտբոլային հանդիպման ընթացքում Աբովյանի մարզադաշտի էներգամատակարարումը դադարեցվեց (երևի լույսի փողը չէին տվել): Խաղադաշն ու տրիբունաները հայտնվեցին խավարի մեջ, իսկ մի քանի վայրկյան անց, լուսատտիկների նման առկայծեցին մարզասերների հեռախոսների լապտերները: 
Խաղը հեռարձակող «Հ1»-ը, փաշինյանական քարոզչության բոլոր կանոններով պարազպես... լռեց, իսկ իշխանության գլխավոր քարոզչամիջոցը եթերը սկսեց լցնել «ֆեստիվառի» ռեկլամով ու այլ նյութերով, երևի իրենց պատվից ցածր բան են համարում հեռուստադիտողներին ինչ-որ բան ասելը: 
Հ.Գ. Մոտ 15-20 րոպե անց Աբովյանի քաղաքային մարզադաշտի էներգամատակարարումը վերականգնվեց, իսկ «Նոան» հաղթեց մրցակցին 3-0 հաշվով: 
Zham.am