Ըստ Արտակ Զաքարյանի՝ «Հանուն գիտության զարգացման» անդամների՝ հացադուլ սկսելու որոշումը կապրիզի է նմանվում

Պաշտպանության նախարարի առաջին տեղալ Արտակ Զաքարյանն այսօր ԱԺ-ում լրագրողների հետ հանդիպման ժամանակ՝ մեկնամաբենելով «Հանուն գիտության զարգացման» անդամների՝ հացադուլ սկսելու որոշումը, հայտարարել է, որ չի հասկանում «Զինվորական ծառայության և զինծառայողի կարգավիճակի մասին» օրենքին դեմ դուրս եկած երիտասարդների՝ բանակցությունների դադարեցման տրամաբանությունը:

Ըստ Զաքարյանի՝ Պաշտպանության նախարարի հետ հանդիպման ժամանակ հստակ պայմանավորվածություն է ձեռք բերվել, որ երիտասարդները կներկայացնեն հստակ առաջարկներ:  Պաշտպանության նախարարի առաջին տեղալի խոսքերով, սակայն, նման առաջարկներ չեն ստացվել:

«Խնդրել ենք, որ այս շաբաթվա ընթացքում ներկայացվեն առաջարկություններ, համաձայն որի՝ հնարավորություն լինի հստակ սահմանել գիտության և կրթության ոլորտում նշանակալի ձեռքբերումներ, ընդգծված տաղանդ ունեցող երիտասարդների տարկետում տալը: Հիմա ինձ համար տարօրինակ է, որ այդ հնարավորությունները, ինչի համար երիտասարդները պայքարել են, հիմա չեն ցանկանում կիրառել»,- ասաց Զաքարյանը՝ հավելելոեվ, որ չի հասկանում նաև հացադուլի իմաստը:

Զաքարյանի խոսքորով՝ նա չի հասկանում հացադուլի իմաստը, քանի որ համակարծիք չէ այն հայտարարությանը, որ պահանջները չեն կատարվել, քանի որ Պաշտպանության նախարարությունը սպասում է երիտասարդների առաջարկների:

Պաշտպանության նախարարի առաջին տեղալի խոսքերով նաև հիշեցրեց, որ մինչ այս օրենքին դեմ դուրս եկած երիտասարդները 2 առաջարկ են ներկայացրել, որոնցից մեկը՝ բանակը կրթություն բերելը, հնարավոր չէ կիրառել, քանի որ դա կարող է խաթարել և՛ բանակը, և՛ կրթությունը: Իսկ ինչ վերաբերում է առաջարկներին, որ հստակ պետք են լինի չափորոշիչները, թե ինչ է նշանակում կրթության գիտության ոլորտում առանձնակի հաջողություններ ունենալը, Զաքարյանը շեշտեց, որ ընդունել են և քննարկում են:

«Գիտեք՝ այս ամենը մի տեսակ կապրիզի է նմանվում, քանի որ մենք հստակ բացատրել ենք, որ տարկետման իրավունքը չի վերանում, և, նույնիսկ, ավելի է ընդլայնվում, քան նախկինում էր գործում՝ «Պատվի ունեմ» ծրագրի շրջանակում»,- ընդգծեց Արտակ Զաքարյանը՝ հավելելով, որ անկախ երիտասարդների գործողություններից, ամեն ինչ անելու են, որ Կառավարության կողմից տրվող տարկետման հնարավորության չափորոշիչը հստակեցվեն:

Zham.am