Եթե չեն վախենում ժողովրդից, թող ցույց տան,թե ինչպես են այցելել Բերքաբեր․ Բագրատ Սրբազան․ ՈՒՂԻՂ
Սուրբ Աննա եկեղեցու բակում շարունակվում են «Սրբազան պայքար»-ի շրջանակում հանդիպումները։ Այսօր ևս Բագրատ Սրբազանը հանդիպումը մեկնարկեց աղոթքով, այնուհետև Սրբազանը խոսեց ներքին խնդիրների մասին։
«Երբ նեռը ներկայանում է,թե որքան ընդունելի է ժողովրդի կողմից, իմ հորդորն է՝ ամբողջությամբ ցույց տալ, թե ինչպես են իրենք այցելել Բերքաբեր, ամբողջ մանրամասնություններով ցույց տան՝ քանի ավտոբուս կարմիր բերետներ են եղել, որքան կամուրջների վրա, որքան գյուղի դիմաց, ոտիկանական շղթաներով, շներով և թե ինչ խոսակցություն է եղել։ Դարձյալ ստել է, խաբել, ուրիշ բնույթ չունի նեռը»,- ասաց Սրբազանը։
Նրա խոսքով՝ որտեղ Փաշինյանն է լինում, ճանապարհները փակ են լինում։
«Այդ այցելությունները, որոնք լինում են, թող ամբողջությամբ ցույց տան, որ տեսնենք, թե ինչ կերպով են գնում, հազարավոր պաշտպանությամբ, որտիկանական շարքերով։ Եթե այդքան չես վախենում ժողովրդիցդ՝ ինչո՞ւ ես այդպես քայլում, էլ չեմ ասում 30 մեքենաներով ճամփա ընկնելը։ Հիմա էլ գործողությունները լրիվ պատճենահանել են, մեր բնական գործողությունները, ինչ-որ մենք անում ենք, կրկնօրինակում են»,- ավելացրեց Սրբազանը։
Աղբյուր` Panorama.am
Հետևեք մեզ Facebook-ում