ՌԴ ԱԳՆ-ն մեկնաբանել է Հանրային ռադիոյի տնօրենի պաշտոնում Արմեն Քոլոյանի ընտրությունը

Հայաստանի, ինչպես ցանկացած այլ երկրի մեդիա ռեսուրսների վրա արևմտյան ազդեցության աճը ոչ մի լավ բանի չի կարող հանգեցնել։

Դրա մասին ամենշաբաթյա ճեպազրույցի ժամանակ հայտարարել է ՌԴ ԱԳՆ տեղեկատվության և մամուլի դեպարտամենտի փոխտնօրեն Անդրեյ Նաստասինը, երբ լրագրողները խնդրել են գնահատել այն փաստը, որ հուլիսի 29-ին «Ազատություն» ռադիոկայանի նախկին աշխատակից Արմեն Քոլոյանը, որը Հայաստանում չէր ապրել վերջին 28 տարիներին, ընտրվել է Հայաստանի Հանրապետության հանրային ռադիոյի տնօրենի պաշտոնում։

«Ամերիկացիներն ու ԵՄ-ակաները կոնյուկտուրային տրամաբանությամբ են գործում՝ նպատակ ունենալով ամենուր հասարակական կարծիքը շրջել ընդդեմ Ռուսաստանի։ Նրանք նաև ցանկանում են նսեմացնել ռուս-հայկական դարավոր բարեկամության և այն օգնության կարևորությունը, որը Մոսկվան ցուցաբերել և տրամադրում է եղբայրական Հայաստանին բոլորովին այլ ոլորտներում»,-հավելել է նա։

Նա հիշեցրել է, որ Մոսկվան ստեղծել է զանգվածային հաղորդակցության ոլորտում Երևանի հետ փոխգործակցության մեխանիզմներ։ «Մասնավորապես, գործում է մասնագիտացված միջկառավարական համաձայնագիր, աջակցվում է միջգերատեսչական երկխոսությունը, կապեր են հաստատվում լրագրողների միջև։

Անցյալ տարի արտաքին քաղաքական գործունեությանը տեղեկատվական աջակցության և լրատվամիջոցների հետ աշխատանքի վերաբերյալ միջգերատեսչական խորհրդակցություններ են անցկացվել։ Երևանում անցկացվել է ռուս-հայկական մեդիա ֆորում։ Հուսով ենք՝ ապագայում ծագած խնդիրները կշարունակենք լուծել մեր գործընկերների հետ զուտ արհետավարժ դիրքերից»,-եզրափակել է Նաստասինը:

Աղբյուրը՝ news.am