Օ'Բրայենը խոստովանեց որ Փաշինյանի «խաղաղության խաչմերուկը» խաբեության շղարշ է՝ Հայաստանի ժողովրդին մոլորեցնելու համար

ԱՄՆ  պետքարտուղարի Եվրոպայի և Ասիայի հարցերով օգնական Ջեյմս Օ'Բրայենը Սենատի արտաքին գործերի կոմիտեում հայտարարել է, որ ԱՄՆ-ի գլխավոր նպատակն է Կենտրոնական Ասիայի երկրներից դեպի համաշխարհային շուկաներ նոր ցամաքային երթուղիների ստեղծումը:

Այսինքն, ԱՄՆ-ի բարձրաստիճան պաշտոնյան հրապարակավ հայտարարում է, որ Անդրկովկասյան տարածքում իր երկիրը պետք է ամեն ինչ անի, որ Հյուսիս-Հարավ ուղին չաշխատի:

Օ'Բրայենի հայտարարությունը  բացահայտում է, որ ԱՄՆ-ն բացահայտորեն շահագրգրված չէ, որպեսզի Հայաստանով և Վրաստանով գործի Հյուսիս-Հարավ ուղին:

 Ավելին, ամերիկյան պաշտոնյան չի էլ թաքցնում, որ իր երկիրը շահագրգրված է, որպեսզի Հայաստանով գործի բացառապես, այսպես կոչված «զանգեզուրյան միջանցքը»: Արդեն բաց է ասվում, թե ինչու Նիկոլ Փաշինյանը վիժեցրեց Ռուսաստանի ջանքերը՝ բացելու տարածաշրջանի կոմունիկացիոն կապերը Հայաստանի և Ադրբեջանի միջև: Փաշինյանի «հերոսական պայքարը», զանգեզուրյան միջանցքի դեմ, ուներ իրականում մեկ նպատակ, որպեսզի այդ միջանցքը վերահսկի, ոչ թե Ռուսաստանը, այլ Թուրքիան:

Փաշինյանը չի կարող դա հրապարակավ հայտարարել: Փոխարենը իր տեղը դա բացահայտում է Օ'Բրայենը:

Դրանից հետո պարզ է դառնում Փաշինյանի այսպես կոչված «խաղաղության խաչմերուկի» ողջ խաբեությունը: Փաստացի Փաշինյանը պատրաստվում է Հայաստանը դարձնել Թուրքիայի և Ադրբեջանի միջև «տարանցիկ պրոկլադկա», բայց վախենում է դրա մասին հրապարակավ խոստովանել: Հասկանալի է, որ դրանից հետո Հայաստանի, որպես պետության, գոյության իմաստը կվերանա: Դա պարզ է նույնիսկ շարքային քաղաքական փորձագետի համար:

Ահա թե ինչու է անհրաժեշտ, որպեսզի փչացվեն հայ-ռուսական հարաբերությունները, ինչին հետևողականորեն ձգտում է Նիկոլ Փաշինյանը:

Այս ամենից հետո, էլ ինչ է պետք՝ ապացուցելու համար, որ ի դեմս Նիկոլ Փաշինյանի Հայաստանում գործում է հակապետական գործսկալ, ով դավաճանում է երկրի  շահերը:

Եթե այս ամենից հետո երկրում չի գոյանում ընդդիմադիր կենտրոն, որը կվռնդեր դավաճանին երկրի ղեկավար պաշտոնից, նշանակում է՝ Հայաստանը փլուզվելու է, որպես պետություն, իսկ այստեղ ապրող բնակչությունը ենթարկվելու է նոր ցեղասպանության: Սակայն այս դեպքում սրա միակ և գլխավոր մեղավորը կլինի հայ ժողովուրդը իր չկայացած վերնախավով:

Սա է իրականությունը:

Դավիթ Մկրտչյան
Zham.am