Արմեն Աշոտյանն ուղերձ է հղել կալանավայրից
![Արմեն Աշոտյանն ուղերձ է հղել կալանավայրից](/timthumb.php?src=/disc/27-07-24/dc97d81301bb33e410c9cda57e304b8b.jpg&w=450)
ՀՀԿ փոխնախագահ, քաղբանտարկյալ Արմեն Աշոտյանը կալանավայրից շնորհակալություն է հայտնել ծննդյան տարեդարձի առթիվ մեր բազմաթիվ հայրենակիցների կողմից իրեն հղված շնորհավորանքների ու մաղթանքների համար․
«Սիրելի ընկերներ,
Ծանոթ եւ անծանոթ մարդիկ,
Հայրենակիցներ,
Շնորհակալ եմ ձեզ՝ հազարավոր շնորհավորանքների եւ մաղթանքների համար, որոնց մի մասը սպրդեց նաեւ «Նուբարաշեն» ՔԿՀ-ի պատերից ներս։
Ձեր ջերմությունը, սրտացավությունը եւ ուշադրությունը ոչ միայն լիցքավորում են ինձ ու գոհացնում իմ ընտանիքին, այլև հույս եւ լավատեսություն են ներշնչում մեր ժողովրդի եւ Հայրենիքի ապագայի հանդեպ։
Ձեր շնորհիվ է, որ բանտախցիս պատուհանից դուրս նայելիս տեսնում եմ ոչ թե արեւը ծածկող ճաղավանդակը, այլ ճաղերի հետեւում շողացող արեւը։
Ձեր` Արմեն
«Նուբարաշեն» ՔԿՀ»։