Օլիմպիական 33-րդ խաղերը մեկնարկեցին, Հայաստանի թիմն էլ «սահեց» Սենայի ալիքների վրայով
Փարիզում, երեկ, բացման հանդիսությամբ մեկնարկեց 33-րդ ամառային օլիմպիական խաղերը: Այս անգամ մրցումների մասնակիցները անցնում էին ոչ թե մարզադաշտի վազքուղիներով, այլ նավերով կամ գետային զբոսանավերով անցնում էին Սենայով: Նավերից մեկում տեղ էր գտնվել նաև Հայաստանի օլիմպիական թիմի համար:
Հայաստանի մարզական պատվիրակությունն այդ շքերթում, ըստ այբբենական կարգի, 13-րդն էր, դրոշակակիրները՝ բռնցքամարտիկ Դավիթ Չալոյանն ու լողորդուհի Վարսենիկ Մանուչարյանը։
Արդեն այսօր օլիմպիական խաղերին Հայաստանի ներկայացուցիչներից պայքարի մեջ կմտնեն լողորդ Վարսենիկ Մանուչարյանը,հրաձիգ Էլմիրա Կարապետյանը, մարմնամարզիկներ Արթուր Դավթյանը և Վահագն Դավթյանը։
Հավելենք, որ մարզական պատվիրակությունից բացի, Փարիզի օլիմպիադայի պատրվակով Ֆրանսիայի մայրաքաղաք են մեկնել նաև մի ամբողջ շարք փաշինյանական պաշտոնյաներ, հասկանալի է՝ «հերոս-հարկատուների» հաշվին: Մասնավորապես, Փարիզում է Փաշինյանի իշխանության կազմում նախագահ աշխատող Վահագն Խաչատուրյանը, այնտեղ է նաև Փաշինյանի աշխատակազմի ղեկավարը, իսկ ԿԳՄՍ փոխնախարարը, որ ՔՊ-ական հավաքներին կիթառ է նվագում, կարելի է ասել՝ ի պաշտոնե է Փարիզում:
Հետևեք մեզ Facebook-ում