Թուրքմենստանում սննդային ճգնաժամ է սկսվել

Թուրքմենստանում հիմնական սննդատեսակների ճգնաժամ է սկսվել: Այս մասին հայտնում է «Lenta.ru»-ն՝  «Ազատլիկ» ռադիոկայանին հղումով:

Ըստ աղբյուրի՝ Մարիան և Ախալյան շրջաններում նոյեմբերին երկրու անգամ բարձրացել է ալյուրի գինը, իսկ դեկտեմբերի ամսվա սկզբին ամբողջ երկրում նկատվել է ալյուրի պակաս, քանի որ մարդիկ սկսել են այն մեծ քանակներով գնել՝ վախենալով գնի հետագա բարձրացմանը:

Մոտ 3 անգամ աճել է հացի գինը: Խնդիր է առաջացել նաև մսամթերքի շուկայում: Այնպես, պետական խանութներում մեկ անձը կարող է գնել ոչ ավել, քան 1 կգ հավի բուդ՝ վճարելով մոտ 8 մանատ: ՄԱսնավոր առևտրի կետերում հավի բուդը կարելի է գնել անսահմանափակ քանակով, սակայն մթերքի այս տեսակինը գինն այնտեղ կազմում է 10 մանատ:

Բացի այդ, գրանցվել է նաև ձվի դեֆիցիտ: Սննդամթերքի այդ տեսակի գինը 50-տոկոսանոց աճ է գրանցել: Աշխաբադի պետական խանութներում ձուն վաճառում են միայն մեծահասակներին և ոչ ավելի, քան 30 հատ մեկ անձի համար: Վաճառքի գործընթացին հետևում են ոստիկանները:

Գների կրկնակի աճ է նկատվել նաև քաղցրավենիքի, մրգի և բանջարեղենի, ինչպես նաև մանկական հագուստի շուկաներում:

Պետական մարմինները՝ մեկնաբանելով ստեղծված իրավիճակը, պնդում են, գնաճը կապված է արհեստականորեն առաջացրած դեֆիցիտով և լոգիստիկ դժվարություններով:

Երկրի նախագահ Գուրբանգուլի Բերդիմուհամեդովը հրահանգել է երկրում վերականգնել «սննդամթերային առատությունը» և հրամանագիր ստորագրել սննդամթերային անվտանգության պետական կոմիտե ստեղծելու վերաբերյալ: 

Zham.am