Այս ամենի միջով արժեր անցնել միայն այն հիասքանչ պահի համար, երբ հունվար ամսին քշտում ես տաբատիդ վերջույթներն ու կնոջդ ձեռքը բռնում (լուսանկար)

Ավելի քան 4000 կիլոմետր ավտոմեքենայով
Գրեթե 32․000 կիլոմետր ինքնաթիռով
Երևի 10 կիլոմետր ոտքով
2 համբուրգեր
Մի քանի կիլոգրամ ֆրենչ ֆրայզ (ֆրի կառտոշկա)
Անթիվ-անհամար խաշ, խորոված ու դոլմա
Ու պալմաներ, պալմաներ, պալմաներ․․․
Այս ամենի միջով արժեր անցնել միայն այն հիասքանչ պահի համար, երբ հունվար ամսին քշտում ես տաբատիդ վերջույթներն ու կնոջդ ձեռքը բռնում, ձմեռով Խաղաղ օվկիանոսը մտնում ու տաք հոսանքների անգերազանցելի խոնավությունը հոտոտում։
ԱՄՆ-ն տարօրինակ ու զարմանալի վայր է։ Պարզ բառակապակցություններով այն մի քանի կերպարանք կարող է ընդունել․
1․ Արևի երԳիր ԱՄՆ
2․ Տուգանքի երԳիր ԱՄՆ
3․ Մեծամասշտաբության երԳիր ԱՄՆ
4․ Ճանապարհների երԳիր ԱՄՆ
5․ Ավտոմեքենաների երԳիր ԱՄՆ
6․ Սպառողականության ԱՄՆ
7․ Միայնության ԱՄՆ
8․ Բոլորի համար ԱՄՆ
9․ Հայերի փայլուն քցոցու ԱՄՆ
10․ ԿՐԵԴԻՏԻ հայրենիք ամն
ԱՄՆ գալիս են երազանքի հետևից ու հետևում օրենքին։ Սպառում են ամեն ինչ ու շատ, անպետք ու անտեղի։ Պարտքով գնում են ջուրն ու սնունդը, սակայն զուգահեռ կուտակում հազարավոր դոլարներ, որ հետո ժառանգեն իրենց զառամյալ կատվին։ Ուտեմ են ՄքԴոնալդ ու ընտրում Դոնալդին, որ հետո պայքարեն այդ ընտրության դեմ։ Ամերիկան լույսերի, արտաքին ձևավորման ու մարդկային թուլթյունների հաշվին գումար վաստակելու ամենակապիտալիստական մոդելի՝ ամենաիրատեսական ու կատարյալ հարթակն է։ Սիրում ես ունենալ ոչինչ ու դրա դիմաց տալ ամեն ինչ․․․ հապաղել չարժե, գնա ԱՄՆ։
Զարմանում էի այն հայերի վրա, ովքեր Երևան էին կարոտում։ Զրամանում էի մինչև այն պահը, երբ ամերիկյան լոգասենյակի կաֆելին թխկացնելիս հասկացա, որ պլաստմասից է։ Դադարեցի զարմանալ, երբ միմյանցից 500 կիլոմետր հեռավորության վրա գտնվող տարբեր սիրուն անվանումներ ունեցող քաղաքները չկարողացա տարբերել միայն այն պատճառով, որ միանմանությությունից գանգս երկու կես եղավ։ Սակայն դրա հետ զուգահեռ հանդիպեցի Սան Ֆրանցիսկոն, որը ապշահար արեց իմ փոքրիկ ուղեղն իր ճարտարապետական հանճարով, կամուրջներով ու դիրքով, շնչով, համով, հոտով, կրքով։
Իրենց երկհարկանի հարմարավետ տներում թաքնված մարդիկ անգամ չեն նկատում բակում ծաղկող ու կրեդիտով գնված իրենց սեփական թուփը, որովհետև վերադառնում են տուն մտքով միայն քնի մասին։ Նրանք երազում են երջանիկ կյանքն ու գիտակցաբար հրաժարվում դրա մարդկային կողմից, սակայն կառուցում են Վեգասի պես <կինոտաղավար>, որ գումար վաստակեն ողջ աշխարհի անթույլատրելի հավանդությունների հաշվին։ Ողջ կյանքը աշխատում են, որ 63-ում միայն հանգստանան, եթե կարողանան։
Եռացող կյանքի թավան տապակում է արյունը։
Բազմագույն երկիր ԱՄՆ
Ու թքած այս ամենի վրա։ Քանի որ դու վստահ ես քո ապագայի վրա։
Խելացի ես․․․ աշխատիր
Ունակ ես․․․ ստեղծիր
Ստեղծագործ ես․․․ ստեղծագործիր
Ամբիցիոզ ես․․․ վերցրու
Լավատես ես․․․ տես
Քեզ ոչ ոք չի արգելի, ոչ ոք չի ստիպի քծնել, կաշառել, ստիպված լինել, համակերպվել։ Պայքարիր քո արժանիքների համար ու ստացիր համահունչ պատասխանն ու գնահատականը։
Ցանկանում ես հաջողակ լինել․․․ հաջողիր։
ԱՄՆ-ում ամեն ինչ շատ պարզ է, կարծես 2+2
ԱՄՆ-ում ամեն ինչ բարդ է, սակայն բոլորը թքած ունեն դրա վրա։
ԱՄՆ-ն 18 տարեկան երիտասարդ է, ով սովորւմ է բժշկական համալսարանի առաջին կուրսում, սակայն հավակնում է դառնալ աշխարհի լավագուն սրտաբանը։
ԱՄՆ-ն սկսնակ վարորդ է, որը չի երազում, այլ գիտի, որ ունենալու է իր սեփական ավտոպարկը։
ԱՄՆ-ն շքեղ մարմնավաճառ է, որը երբեք չի վաճառի իր մարմինը, բայց կստիպի քեզ միայն ցանկանալոուդ համար իրեն գումար վճարել։
ԱՄՆ-ն երազանք չէ, այն իրականություն է, բայց բացարձակ այլ իրականություն․․․
Հ․Գ․ Սիրու՞մ եմ։ Շա՛տ։ ԱՄՆ-ն կարծես իմ մտերիմ ընկերը լինի, որի բարոյական արժեքները չեմ ընդունի երբեք, բայց միշտ կհարգեմ իր նպատակասլացության ու խորամանկության, ճկունության ու համառության, համարձակության համար։
Ցինիկի մեկն 1։

Դավիթ Գրիգորյանի ՖԲ էջից