Փաշինյանը, տիկնոջ հետ, իշխանական հաճույքների մեջ է Լոնդոնում (տեսանյութ)

Նիկոլ Փաշինյանը, ով պետք է երբևէ պատասխանատվության կանչվի Արցախի ողբերգության, հազարավոր հայ զինվորների մահվան մատնելու, Հայաստանի տարածքները թշնամուն հանձնելու, խաղաղ ցուցարարների վրա նռնակներ նետելու, քաղաքական հետապնդումների, դատարանի դահլիճում հայ մարդու մահվան հասցնելու, հղի կնոջը իր ավտոշարասյան մեքենաներից մեկով վրաերթի ենթարկելով սպանելու համար..., Լոնդոնում հեծանիվ է քշում: 
Սա պարզապես Հայաստանի ու հայ ժողովրդի նկատմամբ թքածունեցածության ցինիկ դրսևորում ու բացահայտ ծաղրանք կարելի է համարել: 
Ինչպես հաղորդում է News.am-ը, Նիկոլ Փաշինյանը, որն այս օրերին տիկնոջ եւ դստեր հետ գտնվում է Լոնդոնում, տեսանյութ է հրապարակել, որում երևում է, որ նա հեծանիվ է վարում Լոնդոնի փողոցներում:
Աննա Հակոբյանը եւս կիսվել է ամառային արձակուրդներից տեսանյութով եւ Ադելի «Skyfall» երգի ներքո կադրեր է հրապարակել Լոնդոնից: Նշենք, որ Փաշինյանը մինչեւ օգոստոսի 12-ը գտնվելու է արձակուրդում:
---
Մեր կողմից հավելենք, որ Փաշինյանը շատ էլ լավ է անում, Աննա Հակոբյանն էլ է «լավ անում»: Նման հասարակությանը որ սուսուփուս, կախգլուխ հանդուրժում է այդ ամենը, հենց նման «վարչապետ» ու «իշխանություն» էլ հասնում է: Դա դեռ քիչ է, Նիկոլ Փաշինյանը մի հատ էլ երևի պետք է «կարմիր բերետների» միջոցով ասֆալտին փռի մղձավանջային հոգեվարքի մեջ գտնվող երկրում դեռևս մնացածներին, ու նրանց վրայով հեծանիվ քշի, հատկապես՝ «քաղաքականությամբ չզբաղվողների» վրայով: