Ուսումնամարզական ինքնաթիռի վթարի վայրում իրականացվում են քննչական գործողություններ

#Իրավական 19 07 2024 Ուսումնամարզական ինքնաթիռի վթարի վայրում իրականացվում են քննչական գործողություններ Ուսումնամարզական ինքնաթիռի վթարի վայրում իրականացվում են քննչական գործողություններ Հուլիսի 19-ին՝ ժամը 09։30-ին, Եղվարդ քաղաքի մոտակայքում՝ «Լճեր» կոչվող տարածքի մոտ, Յակ-52 ուսումնամարզական ինքնաթիռի վթարման դեպքով նախաձեռնվել է քրեական վարույթ ՀՀ քրեական օրենսգրքի 539-րդ հոդվածի հատկանիշներով (Ռազմական թռչող սարքերի թռիչքների, դրանց նախապատրաստման կամ շահագործման կանոնները խախտելը, որն անզգուշությամբ առաջացրել է 2 և ավելի անձի մահ): Այս մասին հայտնում է ՀՀ քննչական կոմիտեն։ Ուսումնամարզական ինքնաթիռի վթարի վայրում իրականացվում են քննչական գործողություններ:

Հիշեցնենք՝ հուլիսի 19-ին, Ժամը 09։30-ին, Կոտայքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Եղվարդ քաղաքի մոտակայքում՝ «Լճեր» կոչվող տարածքի մոտ, ինքնաթիռ է կործանվել, կան զոհեր։ Պարզվել էր՝ «ՅԱԿ 52» ինքնաթիռը բախվել է քարերին, ապա՝ հողաթմբին և շրջվել: Զոհվել էին նրանում գտնված սպան և կուրսանտը։ Ինքնաթիռը պատկանում էր ՊՆ-ին և իրականացնում էր ուսումնավարժական թռիչք: