Մինչ ադրբեջանցիները շարունակում են ծաղրել Փաշինյանին, վերջինս ծաղրում է հայ ժողովուրդին. Որքա՞ն պետք է հանդուրժենք այս խայտառակությունը (տեսանյութ)

Մինչ Փաշինյանը շարունակում է իր միակողմանի զիջումները Ադրբեջանին, փորձելով Ալիևից մուրալ գոնե թղթի վրա ձևակերպված խաղաղության  խոստում, ադրբեջանցիները շարունակում են ծաղրել Փաշինյանին: Ադրբեջանական բանակում ամենատարածված երգերից է Փաշինյանին նվիրված «Նոլդու Փաշինյանը»:

Սակայն Փաշինյանի հանդեպ ծաղրը, միայն իրեն չի վերաբերվում: Փաստացի նրանք ծաղրում են նաև հայ ժողովուրդին, ով պատերազմում պարտությունից արդեն չորս տարի անց, չի կարողանում պարտության սիմվոլին հեռացնել իշխանությունից:

Սակայն դա էլ քիչ էր, պարզվում է՝ այս ամենից  Փաշինյանն իրեն այդքան էլ վատ չի զգում:

Ցուցադրում է տեսանյութեր, թե ինչպես է իր թիկնազորի հետ վարձում մի ամբողջ ինքնաթիռ և մեկնում Գերմանիա՝ Եվրոպայի առաջնության եզրափակիչը  դիտելու հենց մարզադաշտից:

Հեծանիվ է վարում արդեն ոչ միայն Երևանի, այլև Բեռլինի փողոցներում:

Եվ ոչ ոք չի հարցնում իրեն. երկիրը խայտառակելուց հետո, կնոջդ հետ ուրախ շրջելով Բեռլինի փողոցներում, ի՞նչ ես ուզում ասել:

Այս ամենից հետո, Հայաստանի ընդդիմություն կոչեցյալը պիտի ամոթից գետինը մտներ, փոխարենը... ԱԺ-ում քննարկում են չորրորդական հարցեր, որոնք հանրությանը քիչ են հուզում, եթե հուզում են, առհասարակ:

Իսկ դա  նշանակում է մեկ բան, որ հայ ժողովուրդը համաձայնվել է ինքնակամ ինքնանվաստանալ Ալիևի առաջ:

Հարց է առաջանում. այս ամենից հետո ինչո՞ւ պիտի Ալիևը խաղաղության  պայմանագիր ստորագրի ինքնանվաստացած երկրի հետ:

Քաղաքական խնդիրներից զատ, կա նաև պարզ մարդկային արժանապատվության խնդիր: Եթե դու չես կարող հեռացնել նույնիսկ պարտությանն սիմվոլին, ուրեմն այդ սիմվոլից էլ ավելի սիմվոլ ես:
Ոմանք կարող են ձևացնել, թե՝ դե, դա Փաշինյանին են ծաղրում ադրբեջանցիները: Իբր՝ դա միայն նրան է վերաբերվում: Բայց դա այդպես չէ: Թշնամին, որպես ծաղրի թիրախ ընտրելով Փաշինյանին, ի դեմս նրա, ծաղրում ու նվաստացնում է հայերին ու Հայաստանը՝ միասին վերցրած: Առավել ևս, թե՛ թշնամու, թե՛ առհասարակ, օտարների ընկալման տեսանյունից, եթե հայերն ու Հայաստանը հանդուրժում են Փաշինյանի նման մեկին, ապա արժանի են ինչպես նվաստացման, այնպես էլ՝ կենսատարածքից ու պետությունից զրկվելու:
Համենայն դեպս, նման «լուզեր» երկրի, նվաստացումն ու արժանապատվությունից զուրկ կենսաբանական գոյությունը գերադասող, պարտություն և աղետ բերած Փաշինյանի նման մեկին ղեկավար պահող ժողովրդի ու հասարակության հետ ոչ մեկը ոչ մի «խաղաղության պայմանագիր» էլ չի կնքի: Ու ոչ էլ մարդատեղ կդնի:

Այլ տարբերակ չի կարող լինել ու չկա էլ:

Հայ ժողովուրդը պիտի վերջնական որոշում կայացնի. ինքը համաձա՞յն է ինքնանվաստանալ այսչափ և համակերպվել, որ իրեն անվերջ պիտի շարունակեն նվաստացնել, թե՞ մի ինչ-որ պահի, կարող է ասել. ԲԱՎԱԿԱՆ Է ԱՅՍՊԵՍ ԱՊՐԵԼ, և կփորձի կրկին ոտքի կանգնել ու սկսել իսկական, այլ ոչ թե ձևական շարժում՝ պարտության սիմվոլին հեռացնելու համար:

Սա է իրականությունը:

Դավիթ Մկրտչյան
Zham.am
Տեսանյութը, որտեղ պատկերված է, թե Ղազախստանի հետ զորավարժությունների մասնակցող ադրբեջանական բանակի զինվորները ինչպես են պարում «Նոլդու Փաշինյան» երգի «տակ», հետևյալ հղումով՝ 
https://t.me/bakinskiy_nord/39087