Կործանված ԱՆ-2 ինքնաթիռը վթարվել է ուսումնավարժական թռիչքի ժամանակ
![Կործանված ԱՆ-2 ինքնաթիռը վթարվել է ուսումնավարժական թռիչքի ժամանակ](/timthumb.php?src=/disc/19-07-24/6b3ea6207791c3e44b41c22877c05ff7.jpg&w=450)
Կոտայքի մարզում կործանված ԱՆ-2 ինքնաթիռը վթարվել է ուսումնավարժական թռիչքի ժամանակ: Այս մասին տեղեկությունը հաստատել է պաշտպանության նախարարության խոսնակ Արամ Թորոսյանը՝ հաստատելով 2 զոհվածի մասին տեղեկությունը:
«Պաշտպանության նախարարությունը ցավակցում է զոհված օդաչուների ընտանիքների անդամներին, հարազատներին և ծառայակիցներին», - նշեց ՊՆ խոսնակը: Ավելի վաղ հայտնել էինք, որ ինքնաթիռը կործանվել է Եղվարդ քաղաքի մոտակայքում, «Լճեր» կոչվող տարածքի մոտ:
Դեպքի վայր են ժամանել նաև ՀՀ Պաշտպանության նախարարության ներկայացուցիչներ։