Շուրջ 20 մլն դոլար է տրվել հայկական տարբեր ԶԼՄ-ներին հակառուսական քարոզի համար․ Հայկ Ֆարմանյան

«Իմ ունեցած տեղեկություններով վերջին 2 տարիների ընթացքում տարբեր գնահատականներով շուրջ 20 մլն դոլար է տրվել հայկական տարբեր ԶԼՄ-ներին հակառուսական քարոզի համար»,- «Նոր պրոյեկտ.Տնտեսկան ալիք» նախաձեռնության «ԵՄ-ԵԱՏՄ. Քաղաքակա՞ն, թե՞ տնտեսական ընտրություն» թեմայով պանելային քննարկմանը հայտարարեց  տնտեսագիտության թեկնածու, դոցենտ Հայկ Ֆարմանյանը։

Նա նշեց, որ «ԵՄ, թե՞ ԵԱՏՄ» հարցադրումն արհեստական է և քաղաքական նպատակներ է հետապնդում։

Ֆարմանյանը նաև հայտարարեց, որ Հայաստանը չունի այնպիսի արտադրանք, որը Եվրամիությունում մրցունակ կլինի։

Տնտեսագետը նշեց, որ ԵՄ-ին ձգտող Վրաստանը երբեք չի խզել իր տնտեսական կապերը ՌԴ-ի հետ՝ գիտակցելով, որ այն իր համար կործանարար կլինի։

Հայկ Ֆարմանյանը բերեց նաև Մերձբալթյան երկրների օրինակը, երբ անկախանալուց հետո այնտեղ տնտեսության թռիչքաձև աճ գրանցվեց, բայց ԵՄ-ին անդամակցելուց հետո Լատվիայում, Լիտվայում և Էստոնիայում արձանագրվեց անկում։

Ամփոփելով խոսքը՝ տնտեսագետը  համոզմունք հայտնեց. «ԵԱՏՄ-ի անդամ հանդիսանալը և այդ հարաբերությունները զարգացնելը բխում է Հայաստանի Հանրապետության շահերից»։

Մանրամասն՝ Yerevan.today-ի տեսանյութում։