Պատուհան դեպի Եվրոպա խաբկանք, լկտի սուտ է, նամանավանդ տեսեք, թե ովքեր են քարոզում դա․ նախկին փոխնախարար
«Հայաստանի թիվ մեկ խնդիրը ֆիզիկական անվտանգությունն է ու դրանից բխող քայլերը»,-ասաց գյուղատնտեսության նախկին փոխնախարար Աշոտ Հարությունյանը «Նոր պրոյեկտ.Տնտեսական ալիք» նախաձեռնության «ԵՄ-ԵԱՏՄ. Քաղաքակա՞ն, թե՞ տնտեսական ընտրություն» թեմայով քննարկման ընթացքում։
«Երբ հարցը դրվում է Ե՞Մ, թե՞ ԵԱՏՄ, մենք պետք է հասկանանք, որ մի դեպքում պարզորոշ կերպով, մյուս դեպքում քողարկված երևում է, որ դրանց հետևում ռազմական բլոկներ կան։ Պետք է վերլուծել, թե դրանք ինչ են տվել մեր երկրին, ի՞նչ են տալիս, ի՞նչ են տալու։ ԵՄ-ի հետ պետք է ունենալ բարիդրացիական, տնտեսական կապեր՝ չվնասելով այն կապերը, որ ունենք ԵԱՏՄ-ի հետ»,-ասաց բանախոսը։
Նա ուշադրություն հրավիրեց վառելիքային խնդրի վրա, երբ Ռուսաստանը չտրամադրի գազ արտոնյալ պայմաններով, հիշեցրեց, որ Ռուսաստանի հետ ռազմական բլոկի մեջ են։
«Ես համարձակվում եմ ասել, հազարամյա պատմությունը ցույց է տվել, որ թեկուզ ուշացած միշտ ռուսի սապոգը մեզ փրկել է թուրքի յաթաղանից։ Բոլոր առումներով մենք պատրաստ չենք ԵՄ մտնելու՝ թե տնտեսության, թե հոգևոր, թե մշակութային։ Սահմանափակումներն այնտեղ շատ են։ Եկեք մենք մեզ չխաբենք, ԵՄ-ն մեզ այսօր չի սպասում։ Պատուհան դեպի Եվրոպա խաբկանք , ներողություն բառի համար, լկտի սուտ է, նամանավանդ տեսեք, ովքեր են քարոզում, ովքեր են եղել նախկինում, ինչ խմորից հունցած հաց են, ինչ են առաջարկում երկրին։ Անունները դեռ տալ չեմ ուզում»,-ասաց նա։
Մանրամասները՝ Yerevan.today-ի տեսանյութում։
Հետևեք մեզ Facebook-ում